പരീക്ഷക്ക്‌ ക്ലാസ്സ്‌ ഉണ്ടോ ????

പുതു തലമുറ ഒരിക്കലും കേട്ടിട്ടില്ലാത്ത , എന്നാൽ പഴയ തല മുറയിലെ പലരുടെയും ഭാവി മാറ്റി മറിച്ച  ഒരു ചോദ്യം ഉണ്ട് ........

പരീക്ഷ ഒക്കെ ജയിച്ചോ ?? ക്ലാസ്സ്‌ ഉണ്ടോ ???

ഞങ്ങളടെ ഇടയിൽ  ഈ ക്ലാസ്സ്  വച്ച് ആണ് ഓരോ ആൾകാരെ  വില ഇരുത്തുന്നത്‌ .

എന്റെ കൂട്ടുകാരുടെ ഇടയിൽ  മാത്രം അല്ല , പഴമക്കാരുടെ ഇടയിലും അത് പോലെ തന്നെ ആണ്.

ചില സാഹചര്യത്തിൽ ആൾകാരുടെ  സത്യ സന്ത്യത അളക്കനതും  ക്ലാസ്സ്‌ വച്ചാ...

"അവനെ ഡിഗ്രിക്ക് ഫസ്റ്റ് ക്ലാസ്സ്‌ ഉള്ളവൻ  ആണ് , അവൻ പറയണത് ഒക്കെ സത്യമാ "

അത് പോലെ ഒരാളുടെ സങ്ങടം അദവ വിധി അളക്കുന്നതും ക്ലാസ്സ്‌ വച്ചാണ് .

"പാവം പഠിക്കണ  പയ്യൻ  ആയിരുന്നു പഠിക്കണ  കാലത്ത് ക്ലാസ്സ്‌ ഒക്കെ വാങ്ങിയതാ , ഇപ്പൊ അവന്റെ ഗതി കണ്ടാ "

ഇതൊക്കെ സാധാരണക്കാരുടെ ഇടയിൽ  ഉള്ളത് ആണ്.

ഞങ്ങളടെ  ഒരു കാഴ്ചപാടിൽ , distinction വാങ്ങിയവൻ..."അളിയാ അവൻ  ഒരു ബുദ്ധി  ജീവി  ആണു "

തരക്കേടില്ലാത്ത മാർക്ക്‌ വാങ്ങിയാൽ ..."അളിയാ അവൻ പാവം ആണ്, അത്രയ്ക്ക് തല ഒന്നും ഇല്ല "

ഇനി പഠിക്കാത്തവൻ  ആണെലോ ...മച്ചാനെ ഇവാൻ ആള് ഒരു തല്ലി പൊളി ആണ്, പക്ഷെ നമ്മടെ കൂട്ടത്തിൽ  ആണു "

ഇത് പോലെ പഠിക്കുമ്പോൾ പ്രേമിക്കാനും ക്ലാസ്സ്‌ നിർബന്ദം ആയി മാറിയ കാലം ഉണ്ടായിരുന്നു .

പ്രേമിച്ച പെണ്ണ് ന്റെ വീട്ടിൽ പൊയ് പെണ്ണ് ചോദിക്കുമ്പോൾ തൊട്ടു , പെണ്ണ് ഒരുത്തനെ സെലക്ട്‌ ചെയ്യണ  കാര്യത്തിൽ വരെ ഇത് ബാതകം ആണ്.

തിരിച്ചും അങ്ങനെ തന്നെ ആണ്.

അങ്ങനെ പരീക്ഷ ക്ലാസ്സ്‌ ഇതൊക്കെ ജീവിതത്തിൽ ഒരുപാടു ചിന്ദകൾ വരുത്തിയ കാലം ഉണ്ടായിരുന്നു.

ഇടക്ക് വച്ച് ഒരു കൂട്ടുകാരൻ  ആയി സംസാരിച്ചു ഇരുന്നപ്പോൾ ആണ് പണ്ട് പരീക്ഷ കാലത്ത് ഉണ്ടായ കൊറേ കാര്യങ്ങൾ ഓർമ  വന്നത്.

ഇത് പോലെ ഉള്ള അനുഭവങ്ങൾ പലർകും  ഉണ്ടായി കാണും .. എല്ലാം കൂടി ഒന്നു  കുറിച്ചു  വൈക്കാം  എന്ന് കരുതി.

പരീക്ഷ ഒക്കെ ഒരു പേടി സ്വപ്നം ആയി മാറിയത് ഏകദേശം ഒരു പത്താം ക്ലാസ്സ്‌ ആയതോടെ ആണ്.

അത് തുടങ്ങാൻ കാരണം , പത്താം ക്ലാസ്സിലെ ആദ്യ ദിവസം തന്നെ സാറ് വന്നു പറഞ്ഞ ഡയലോഗ് ഒറ്റ ഒന്ന് ആണ്.

അത്ര നാളും  എങ്ങനെയും നമ്മളെ നമ്മടെ സ്കൂൾ ജയിപിക്കും എന്ന ഒരു വിശ്വാസം  അതോടെ തീരും എന്ന് ഉറപ്പായത് കൊണ്ട് ആണ്.

പിന്നെ പിന്നെ ഒരു വാശി ആയി പഠിക്കാൻ തുടങ്ങി. പക്ഷെ ഞങ്ങൾ അല്ലെ ആ ആവേശം ഒക്കെ ഓണ പരീക്ഷക്ക്‌ പ്രോഗ്രസ്സ് കാർഡ്‌ കയ്യിൽ  കിട്ടിയപ്പോൾ തീര്ന്നു.


ആകെ ഉള്ള പത്തു വിഷയത്തിൽ ജയിച്ചത്‌ വെറും നാല് എണ്ണത്തിന്  മാത്രം അതും സർ  കൂട്ടിയപ്പോൾ തെറ്റ് വന്നോണ്ട് ബോണ്‌സ്  പോലെ കിട്ടിയ മാർക്സ് .

അങ്ങനെ വീണ്ടും വാശി കൂടി ക്രിസ്മസ് പരീക്ഷക്ക്‌ വേണ്ടി പട വെട്ടി. പക്ഷെ അതിലും ധീരമായി തോൽക്കാൻ  മാത്രം ആയി വിധി.

ഇങ്ങനെ പോയാല പത്താം ക്ലാസ് കടക്കില്ല എന്ന് വിധി എഴുതിയ അദ്ധ്യാപകരുടെ  മുന്നിൽ  ഞങ്ങൾ ഞങ്ങളടെ ഭ്രമാസ്ത്രം തന്നെ പയറ്റാൻ തീരുമാനിച്ചു.

ലേബർ ഇന്ത്യ, v  ഗൈഡ്  ഒക്കെ ആയിരുന്നു ആ ആയുധം... കുറച്ചു പേര് അത് വച്ച് പഠിക്കും മറ്റു ചിലർ കോപ്പി അടി ഭഗവാനെ മനസ്സിൽ  ദ്യാനിചു  രണ്ടും കല്പിച്ചു ഇറങ്ങും  .

പത്താം ക്ലാസ്സ്‌ പരീക്ഷക്ക്‌ കുറച്ചു മാസം മുന്പ് തന്നെ  അന്നൊക്കെ റേഡിയോ യിൽ ഒരു പരിപാടി ഉണ്ടാവും.

പരീക്ഷക്ക്‌ മുന്പ് ഉള്ള പരിപാടിയും ശേഷം ഉള്ള പരിപാടി വീട്ടുകാര്  ഇരുത്തി കേൾപിക്കും , അപ്പൊ നമ്മടെ മനസ്സിൽ ഒരു പിടപ്പ്‌  ആണ്. എത്ര ശതമാനം തോറ്റു  എന്നൊക്കെ കണക്കു കൂട്ടാൻ .


അത് പോലെ പരീക്ഷ squad ക്ലാസ്സ്‌ വരും എന്ന് പറഞ്ഞു സാർ പറഞ്ഞു പേടിപ്പിക്കണ  സമയം.

ഇന്ത്യ പാക്കിസ്ഥാൻ യുദ്ധത്തിനു പോകുന്ന ഒരു പോരാളിയുടെ അവസ്ഥ ആണ് ഓരോ അറിയാത്ത പരീക്ഷക്ക്‌ ക്ലാസ്സിൽ കയറുമ്പോൾ പലര്ക്കും.

പലരെയും മാനസികമായി തളർത്തുന്ന  ഒരു കാര്യം ചിലപ്പോ നടക്കും പരീക്ഷ സമയത്ത് ക്രിക്കറ്റ് വേൾഡ് കപ്പ്‌ വരും ...

ഇനി പരീക്ഷ ഹാളിലെ വിശേഷങ്ങൾ ....

എല്ലാ പരീക്ഷക്കും കാണും ഓരോ അവന്മാര് , നമ്മള് ആദ്യം തന്ന പേപ്പറിൽ നാല് ഭാഗത്ത്‌ വര ഇട്ടു വലിയ അക്ഷരത്തിൽ എഴുതിയാലും ആ booklet തീരില്ല അപ്പൊ, അപ്പൊ അവിടെ നിന്ന് ഓരോ വിളി കേൾക്കാം

"സർ എക്സ്ട്രാ  ഷീറ്റ് ".....

ആ ഒരു വിളി ചിലപ്പോൾ  ഒക്കെ നമ്മളെ തന്നെ വല്ലാതെ അങ്ങ് മനസ് മടുപ്പിക്കും അപ്പൊ പേപ്പർ കൊടുത്തു പോകാൻ ആയി എഴുനെല്കുമ്പോൾ സർ ന്റെ വക ഒരു കമന്റ്‌ ഇണ്ട് .

"പരീക്ഷക്ക്‌ അര മണികൂർ മുന്നേ മാത്രമേ പേപ്പർ വാങ്ങാവു അത് വരെ നീ അവിടെ പൊയ് ഇരിക്കു . അതിന്റെ കൂടെ ഒരു ഉപദേശം കൂടി. question തെറ്റ് ആണെങ്ങിൽ നീ ആൻസർ എഴുതിയിട്ടുന്ടെൽ മാർക്ക്‌ തരും."

ആ ഒരു ഉപദേശം കേട്ടാൽ ഓടി വന്നു ഇരുന്നു പിന്നെ എല്ലാ ചോദ്യത്തിനും ഉത്തരം എഴുതുക എന്നാ ദൗത്യം ആണ്.

പത്താം  ക്ലാസ്സ്‌ പരീക്ഷക്ക്‌ വേണ്ടി ആവണം ഏറ്റവും കൂടുതൽ ആള്ക്കാര് ഇന്ത്യയുടെ ഭൂപടം വരയ്ക്കാൻ പഠിക്കുക്ക .. അത് പോലെ scientific calculator ഇൽ  കണക്കു കൂട്ടാൻ പഠിക്കനതും .

അത് പോലെ പരീക്ഷ കഴിഞ്ഞു റിസൾട്ട്‌ വരണ വരെ ഉള്ള ഒരു കാലഘട്ടം ഉണ്ട് എല്ലാര്ക്കും ...

എപ്പോ വേണേലും പൊയ് കളിക്കാം ആരും വന്നു വഴക്ക് പറയില്ല. അത്ര നാളും  വീട്ടിലും  നാട്ടിലും നമ്മളെ സഹതാപത്തോടെ കണ്ട ആൾകാര് നമ്മുടെ സന്തോഷത്തിനു ആയി വഴക്ക് പറയാതെ പോകനുന്നതും എല്ലാം.


അങ്ങന ഒരു വസന്ത കാലം കഴിയുമ്പോൾ , സർക്കാർ റിസൾട്ട്‌ announcement  എന്നാ ഒരു ചടങ്ങ് ഇണ്ട് .

ഞാൻ ഒക്കെ പത്താം  ക്ലാസ്സ്‌ ആയപ്പോൾ നാട്ടിൽ ഉള്ള എല്ലാ ഇന്റർനെറ്റ്‌ കഫെ യിലും പുറത്തു ബോർഡ്‌ ഇണ്ടാവും.

"SSLC  റിസൾട്ട്‌ അറിയാൻ വേണ്ടി 15 രൂപ "

അതിനു മുന്നേ ആകെ പത്രം മാത്രം ആയിരുന്നു ആശ്രയം....

അങ്ങന റിസൾട്ട്‌ ന്റെ ദിവസം വൈകിട്ട് ഉള്ള ന്യൂസിൽ വിദ്യാഭാസ മന്ത്രി ഒന്നാം റാങ്ക് കിട്ടിയ കുട്ടിയുടെ പേരും വിവരവും ഒക്കെ വിളിച്ചു പറയും.

അതൊന്നും നമ്മള്ക് ഒരു വിഷയം അല്ലാത്തത് കൊണ്ടും നമ്മൾ അത് നോക്കാറില്ല

റിസൾട്ട്‌ ഇന്റർനെറ്റ്‌ ഇൽ  വരണ ദിവസം... ഒട്ടു മിക്ക അമ്പലങ്ങളിലും പള്ളിയിലും ഒക്കെ രാവിലെ തന്നെ നീണ്ട ഒരു വരി കാണാം...

ദൈവത്തിനു അന്ന് മുഴുവൻ വാഗ്ദങ്ങൾ നൽകി പിള്ളര് ഇന്റർനെറ്റ്‌ കഫെ പോകും. അത് പോലെ കുടുംബത്ത്  ഏതേലും ഒരാള് വിദ്യാഭാസ വകുപ്പിൽ ഉണ്ടേൽ  അന്ന് അവര്ക് വേറെ ഒന്നും ചെയ്യാൻ പറ്റില്ല ..

12 കൊല്ലത്തെ കഠിന പരിശ്രമം ആണ്  അന്ന്  അറിയനത്

ജയിച്ചു കഴിഞ്ഞ ചിലർ പിന്നെ നേരെ ഓട്ടം ആണ്... ആദ്യം കാണുന്ന ബേക്കറിയിൽ ചെന്ന് ലഡ്ഡു ഒക്കെ വാങ്ങി. നേരെ വീടിലേക്ക്‌....

തോറ്റവർ, ചിലർ  നേരെ റെയിൽവേ സ്റ്റേഷൻ വച്ച് പിടിക്കും വടക്കോട്ട്‌ ഉള്ള വണ്ടിക്കു ഒളിച്ചു ഓടാൻ..

ചിലര് നേരെ വീടിലേക്ക്‌ ,, ഒന്ന് തൂങ്ങി മരിക്കാൻ ...

വേറെ ചിലര് ഇണ്ട് ... അടുത്ത കാവിലെ പാട്ട്  മത്സരത്തിനു കാണാം എന്ന് പറഞ്ഞു... റിസൾട്ട്‌ വലിച്ചു കീറി ചിരിചോണ്ട്  പോനവര്.

കയ്യാല പുറത്തെ തേങ്ങ പോലെ പാസ്‌ ആയവർ അന്ന് തൊട്ടു ചിന്തിച്ചു തുടങ്ങു, ഡോക്ടർ  അവനോ വക്കീൽ  ആവണോ എഞ്ചിനീയർ ആവണോ  അങ്ങ്നനെ അങ്ങനെ....

ഏറ്റവും കൂടുതൽ മാർക്ക്‌ വാങ്ങിയ വിഷയം തന്നെ തന്റെ ഭാവി എന്ന് ഉറപ്പിച്ചു പിന്നെ അങ്ങോട്ട്‌ ജീവിതത്തിൽ ഓട്ടം തന്നെ ആണ്..

അത് പോലെ പരീക്ഷയിലെ ക്ലാസ്സ്‌ പലര്ക്കും അന്ന് പുതിയ സൈക്കിൾ അല്ലെങ്ങിൽ വാച്ച് അതും അല്ലെങ്ങിൽ കുറച്ചു പൈസ അങ്ങന അങ്ങന പല സ്വപ്ന സാക്ഷാത്കാരം കൂടി ആണ്.


കിട്ടിയ മാർക്ക്‌ വച്ച് പ്ലസ്‌ 2 അഡ്മിഷൻ.... ഇല്ലെങ്ങിൽ ഐ.ടി.ഐ .. അതും അല്ല്ലേൽ പണിക്കു പോകുവാ..ജീവിതം അവിടുന്ന് അങ്ങോട്ട്‌ നമ്മൾ വിചാരിച്ച പോലെ ആവില്ല... പരീക്ഷയിലെ ക്ലാസ്സ്‌ നോക്കി ആണ് മുന്നോട്ടു പോകുക....

അങ്ങനെ ആ കാലം മാറി....

അതിനു ശേഷം പല പല മാറ്റങ്ങൾ വന്നു... ക്ലാസ്സ്‌ ഇണ്ടോ  മോനെ എന്ന് ചോദിച്ചിരുന്ന അമ്മാവന്മാര് ഇപ്പൊ ഗ്രേഡ് എന്തായി എന്ന് ചോദിയ്ക്കാൻ തുടങ്ങി

അതോടെ ഒന്നാം റാങ്ക് എന്നാ ഒരു വ്യവസ്ഥ മാറി... വർഷത്തിൽ ഒരിക്കൽ മാത്രം സംഭവിക്കണ  ഒരു ഹീറോ യുടെ അവതാരം അതോടെ സർക്കാർ  നിർത്തലാക്കി ...

കാലം ഒരുപാടു വീണ്ടും ഓടി പൊയ്... ഇടതും വലതും ഭരിച്ചു ആ നല്ല പത്താം  ക്ലാസ്സ്  ജീവിതം  തന്നെ മാറ്റി മറിച്ചു ...

ഇത്തിരി കാശ് കൂടുതൽ ഉള്ളവർ  മക്കളെ സ്റ്റേറ്റ് സിലബസ് വിട്ടു മറ്റു സിലബസ് ആക്കി മാറ്റി.
കാശ് ഇല്ലാത്തവർ എല്ലാം ഒന്നായി ഗ്രേഡ് ഇൽ  വന്നു.

പിന്നീടു കാലം മാറി അബു രബ്ബിന്റെ രൂപത്തിൽ ... പത്താം ക്ലാസും ഓൾ പാസ്സ്  എന്നൊക്കെ ആകി എന്ന് കേട്ട്...

പഴയ ആൾകാര് ഇന്നും റിസൾട്ട്‌ വരുമ്പോൾ പഴയ പ്രതാപം ഓർത്തു  ചിരിക്കും.


                                                                                                                                 എന്ന് ,
                                                                                                                                 സ്വന്തം സുഹുർത്ത്

അണലി ഭാസ്കരാ ഓടിക്കോ

ജീവിതത്തിൽ   ഏറ്റവും  കൂടുതൽ  നിങ്ങളെ  ചിരിപ്പിച്ചത് ആരാ ??? എന്ന്  ചോദിച്ചാ .. എന്ത്  ഉത്തരം  പറയും ..

എന്നോട്  ചോദിച്ചാൽ ഞാൻ പറയും അത് എന്റെ സ്വന്തം കുംബാരികളെ കൊണ്ട് ആണ് എന്ന്. എന്നും വൈകുന്നേരം അമ്പലത്തിലെ കളി തട്ടിൽ ഇരുന്നു പരസ്പരം കളിയാക്കലും പാര വൈപ്പും അങ്ങന അങ്ങന നല്ല കൊറേ സമയം ചിരിച്ചു ജീവിച്ച ഒരാൾ ആണ് ഞാൻ ....

ഓർക്കുവാൻ ഒരുപാടു നല്ല മുഹൂർത്തങ്ങൾ ഉണ്ട്. അതിൽ ഏറ്റവും രസകരം ആയി നടന്ന ഒരു കാര്യം ഉണ്ട് ഞങ്ങള്ക് ഇടയിൽ , വാട്സപ്പ് ഷെയർ കൊണ്ട് ചിരിക്കാൻ തുടങ്ങുന്നെനു മുന്നേ നടന്ന രസകരമായ ഒരു രാത്രി ....

കൃത്യം പറഞ്ഞാൽ ഞങ്ങളടെ കൂട്ടുകാരാൻ നിതിന്റെ വീട്ടിൽ aranold മാമനും അവന്റെ കുരക്കാത്ത പട്ടിയും ക്ഷമിക്കണം പട്ടി അല്ല ബൊക്സെർ ഉള്ള കാലം.

ഞങ്ങൾ ഇരിക്കാറുള്ള അമ്പലത്തിന്റെ അടുത്ത് തന്നെ ആണ് നിതിന്റെ വീട്. അവിടെ കര്യസ്ഥാൻ ആയി വന്ന പുള്ളി ആണ് aranold മാമൻ. പുള്ളി പണ്ട് വലിയ കളരി ആണ് എന്ന് നമ്മുടെ ഇടയിൽ പറഞ്ഞത് കൊണ്ട് കൂട്ടത്തിലെ സുല്ഫി ഇട്ട പേര് ആണ് aranold മാമൻ. അത് പോലെ അവന്റെ വീടിലെ ബൊക്സെർ, സാദാരണ പട്ടികൾ ആരെ കണ്ടാലും കുറച്ചു കൊണ്ട് ഓടി വരും പക്ഷെ ഇവിടെ സ്തിഥി നേരെ തിരിച്ചു ആണ്. ബൊക്സെർ നെ ഒന്ന് അടിച്ചാൽ പോലും അത് ഒച്ചത്തിൽ കുറയ്ക്കില്ല.

എങ്ങനാ ഒക്കെ ആണെങ്കിലും aranold മാമനും ബൊക്സെരും എന്നും വൈകിട്ട് നടക്കാൻ ഇറങ്ങും. മാമൻ പോകുന്ന വഴി മുഴുവൻ പണ്ട് കളരിയിൽ ഉണ്ടായിരുന്ന കഥയും രാജ വെമ്പാലയെ പിടിച്ചു ഉമ്മ വച്ചതും ഒക്കെ വീമ്പു പറഞ്ഞു നടക്കും.

ഒരു ഓണം അവധിക്കു ഞാൻ  അമ്പലത്തിലേക്ക് പോകുക ആയിരുന്നു. എനിക്ക് എതിരായി സുല്ഫി ബൈക്കിൽ പാഞ്ഞു വരുന്നു .. എന്നെ കണ്ട ഉടനെ വണ്ടി വളച്ചു നിരത്തി വണ്ടിയിൽ കരയാൻ പറഞ്ഞു .

ഒന്നുകിൽ ആരെയേലും ട്രീറ്റ്‌ എന്ന് പറഞ്ഞു വലിപ്പീകൻ കൊണ്ട് പോകുക അല്ലെങ്ങിൽ അടി വരാനുണ്ട് നമുക്ക് വലിയാം എന്നാ സൂചന ആയി വരണ കക്ഷി . ഇതില് ഏതോ ഒന്ന് ആണ് എന്ന് കരുതി ഞാൻ അവന്റെ കൂടെ ബൈക്കേൽ പൊയ്.. സുല്ഫി ആണേൽ വണ്ടി ഓടിച്ചു നേരെ നിതിൻ ന്റെ വീട്ടിൽ പൊയ്.

അവിടെ പോയപ്പോൾ ആകെ ഒരു ബഹളം ഒരു ജന കൂട്ടം , ഞാൻ കരുതി അവന്റെ വീട്ടിൽ വല്ല അപകടം സംഭവിച്ചു കാണും എന്ന്.

പക്ഷെ സംഗതി അത് അല്ല.. aranold മാമന്റെ ഇന്നത്തെ സവാരിയിൽ  പുള്ളി വീടിന്റെ പുറകില ഒരു മലമ്പാമ്പിനെ കണ്ടു . കണ്ട പാടെ രാജ വൈമ്പലക്ക് ഉമ്മ കൊടുത്ത കക്ഷി നിലവിളിച്ചു കൊണ്ട് ആ പരിസരം മുഴുവൻ ഓടി.. അതിന്റെ കൂടെ ഇന്ന് വരെ കുരക്കാത്ത ബൊക്സെർ ഉം ഉച്ചത്തിൽ കുറച്ചു കൊണ്ട് ഓടി.

"aranold  മാമൻ പോയ വഴിക്ക് പിന്നെ പുല്ലു പോലും വളര്നിട്ടില്ല "

ഞങ്ങൾ പോയ സമയം കൊണ്ട് തന്നെ മുളംകാടകം പരിസരത്ത് ഒരു അന്ധാ രാഷ്ട്ര പ്രശനം ആയി മാറി.

ഞങ്ങളെ കണ്ട ഉടനെ അവിടെ നിന്ന ഇജു പറഞ്ഞു അളിയാ സംഗതി മലമ്പാമ്പ് ആണ് നീ പെട്ടന് പോയി പോലീസിനെ വിളിച്ചോണ്ട് വാ..

കേട്ട പാതി കേള്ക്കാത്ത പാതി സുല്ഫി എന്നെയും എടുത്തു നേരെ  പോലീസെ സ്റ്റേഷൻ ലക്‌ഷ്യം വച്ച് പാഞ്ഞു ..

പോകുന്ന വഴിയില ഒരു സംശയം വച്ച് ഞാൻ അവനോടു ചോദിച്ചു .

ഞാൻ : അളിയാ നീ കണ്ട പാമ്പിനെ അത് മലമ്പാമ്പ് തന്നെ അന്നോ അതോ മൂർഘൻ പാമ്പ് ഒന്നും അല്ലാലോ. arnold മാമനെ വിശ്വസിക്കാൻ പറ്റില്ല . പുള്ളി പണ്ട് രാജ വൈമ്പാലക്ക് ഉമ്മ കൊടുത്തു എന്ന് ഒക്കെ പറഞ്ഞ ആള് ആണ്

സുല്ഫി : അളിയാ ഞാൻ പൊയ് കണ്ടെട , ധീ ഈ നീളത്തിൽ ആണ്പാമ്പ് കിടക്കണേ ..

ഇങ്ങനെ പറഞ്ഞു ഞങ്ങൾ പോകുന്ന വഴിയില ഒരു പോലീസെ ജീപ്പ് കിടക്കണ കണ്ടു. ഞാൻ പറഞ്ഞു അളിയാ ആദ്യം കാണുന്ന പോലിസിനെ കണ്ടു പറയാം . നീ വണ്ടി നേരെ ജീപിന്റെ അടുത്ത് പോടാ ...

ഞങ്ങള് വണ്ടി നിരത്തി ജീപിന്റെ അടുത്തേക്ക് വരണ കണ്ടു അവിടെ കിടന്നു ഉറങ്ങുക ആയിരുന്ന പോലീസെ പെട്ടന് ചാടി എഴുനേറ്റു.

സംഗതി പിശകാ ഏന് അറിഞ്ഞ ഉടനെ ഞാൻ പറഞ്ഞു സാർ പാമ്പ് പാമ്പ് ..

ഉറക്കത്തിൽ കിടന്ന മനുഷ്യൻ ശരിക്കും ഞെട്ടി കേട്ട ഉടനെ എന്നെ നോക്കി അലറി "എവിടാ പാമ്പ് "

ഞാൻ : സർ  ഞങ്ങളടെ കൂട്ടുകാരന്റെ വീട്ടിൽ മലമ്പാമ്പ് കയറി. ഇപ്പൊ വന്ന അതിനെ പിടിക്കാം ഇല്ലേൽ ആരേലും അത് വിഴുങ്ങും.

ഒരു ചെറുപ്പക്കാരൻ നാടിനു വേണ്ടി പോലീസിന്റെ അടുത്ത് വന്ന സന്തോഷത്തിൽ പുള്ളി എന്നോട് ആയി പറഞ്ഞു.

പോലീസെ : മോനെ, നീ ഒരു കാര്യം ചെയ്യ്, അവിടെ എല്ലാ സ്ഥലത്തും ലൈറ്റ് ഇടാൻ നോക്ക്, എനിട്ട്‌ ഒരു ചാക്കിൽ ധാ ഇങ്ങനെ ഒരു കുരുക്ക് ഉണ്ടാക്കണം .. എനിട്ട്‌ ഒച്ച ഉണ്ടാക്കുമ്പോൾ പാമ്പ് പുറത്തു വരും അപ്പൊ അതിന്റെ പിടിച്ചു സ്റ്റേഷനിൽ കൊടുത്ത മതി അവര് ബാക്കി ശരി ആക്കും

ഇത് കേട്ട് സുല്ഫി ഇടയിൽ കയറി

സുല്ഫി : സർ,ഞങ്ങള്ക് പാമ്പിനെ പേടി ആണ്, പിന്നെ സർ നെ പോലെ ഒരാള് ഒക്കെ ഇവിടെ ഉണ്ടാവുമ്പോൾ ഇങ്ങനെ ആണോ

ആ ഒറ്റ ഡയലോഗിൽ പോലീസെ വീണു , നേരെ കണ്ട്രോൾ റൂമില വിളിച്ചു പറഞ്ഞു , ഞങ്ങളോട് അടുത്ത് ഉള്ള പോലീസെ സ്റ്റേഷനിൽ പോയി ഒന്ന് പറയാൻ പറഞ്ഞു.

ഒട്ടും സമയം പാഴാക്കാതെ ഞങ്ങൾ അടുത്തുള്ള പോലീസെ സ്റ്റേഷൻ ലക്‌ഷ്യം ആക്കി പറന്നു.

അത് വരെ സിനിമയിൽ മാത്രം ആണ് ഞാൻ പോലീസെ സ്റ്റേഷൻ കണ്ടിടുള്ളത് , അതിന്റെ അകത്തു കയറാൻ യോഗം ഉണ്ടായിട്ടില്ല . അത്  കൊണ്ട് പോലീസെ സ്റ്റേഷൻ എന്ന് കേൾകുമ്പോൾ  ഓര്മ വരുന്നത് ആവനാഴി , സ്പടികം പോലെ സിനിമയിൽ കാണുന്ന പോലീസെ സ്റ്റേഷൻ ആണ്.

പക്ഷെ ഞാൻ അവിടെ ചെന്ന് കണ്ടപ്പോൾ മനസില്ൽ ഉള്ള പോലെ ഒന്നും അല്ലായിരുന്നു , കുറച്ചു പോലീസെ ക്കാര് അവിടെ ഇരുന്നു കത്തി അടിക്കുന്നു, SI യുടെ റൂമിൽ ചെന്നപോൾ അതിലും കഷ്ടം നല്ല മേശയം കസേരയും പോലും ഇല്ല.

" അതൊക്കെ ഇവിടെ പറയാൻ ഞാൻ ആരും അല്ല. "

ഞങ്ങളെ കണ്ട ഉടനെ SI സുല്ഫിയോടു ചോദിച്ചു നീ കണ്ട അത് മലമ്പാമ്പ് തന്നെ ആണ് എന്ന്.

സുല്ഫി അപോഴേ ആണ ഇട്ടു പറഞ്ഞു അതെ സർ അത് പാമ്പ് തന്നെ ആണ് എന്ന്.

അത് കഴിഞ്ഞ് എന്നോട് ആയി സുല്ഫി പറഞ്ഞു പറയട അത് മലമ്പാമ്പ് തന്നെ അല്ലെ എന്ന്.

അവിടെ പാമ്പ് ഉണ്ടോ എന്ന് പോലും അറിയാൻ വയ്യാണ്ട് ഇരിക്കാന ഞാനും പറഞ്ഞു "ഞാനും കണ്ടു സർ ഇത്ര വലിയ ഒരു പാമ്പ്."

സംഭവത്തിന്റെ ഗുരുതരാവസ്ഥ മനസിലാക്കിയ SI  അപ്പൊ തന്നെ അവിടെ അടുത്ത് ഉള്ള ഒരു പാമ്പ് പിടുത്ത കാരനെ വിളിച്ചു സ്റ്റേഷനിൽ വരാൻ പറഞ്ഞു . ഞങ്ങളോട് അവിടെ തിരിച്ചു പോകാൻ പറഞ്ഞു.

പോകാൻ നേരം SI  ഇറങ്ങി വന്നു എല്ലാരോടും ആയി എന്തോകൊയോ പറയാനാ പോലെ തോന്നി...

അപ്പൊ ഞാൻ സുല്ഫിയോടു ഒരു ഡൌട്ട് ചോദിച്ചു അളിയാ ഇനി പാമ്പ് എങ്ങാനും അവിടുന്ന് പോയാലോ ????

സുല്ഫി : ഒരിക്കലും ഇല്ല , ആ പാമ്പ് അവിടും വിട്ടു പോകില്ല, കാരണം നമ്മടെ കൂട്ടുകാരാൻ ഹാരിഷ് അവിടെ വടിയും ടോര്ച്ചും ആയി കാവല് ഉണ്ട് , ഇടക്ക് ഇടക്ക് വെള്ളം കൊട്നു കൊടുക്കാൻ ഇജു കൂടെ ഉണ്ട്.

അങ്ങന ഒരു സമാദാനത്തിൽ  ഞങ്ങൾ സ്പോട്ട് ഇൽ തിരിച്ചു എത്തി.

സത്യം പറയാലോ നിതിൻ ന്റെ അനിയത്തിയുടെ കല്യാണത്തിന് പോലും ഇത്ര ആൾക്കാര് വന്നു കാണില്ല  അത്രയ്ക്ക് ഉണ്ട് ജനകൂട്ടം .

അടുത്ത് ഉള്ള നിതിൻ ന്റെ ബന്ധുക്കൾ മുഴുവൻ വന്നു, ആ പരിസരത്തെ  പെണ് പട മുഴുവൻ അവിടെ ഉണ്ട്.

ആദ്യം ആയിട് ആണ് ആ ഭാഗത്ത്‌ ഒരു മലമ്പാമ്പ് വരുന്നത് എന്ന്.

ഞങ്ങൾ തിരിച്ചു ചെന്നപോൾ അവിടെ ഒരു തര്ക്കം , ഒരു കൂട്ടര് പാമ്പിനെ പിടിക്കാം എന്ന് . മറ്റു ആൾക്കാര് പാമ്പിനെ പോലീസെ പിടിക്കട്ടെ എന്ന്നു.

അതിന്റെ ഇടയിൽ അന്ന് ആണ് സ്ത്രീ ജന്മം സീരിയല ന്റെ ക്ലൈമാക്സ്‌ നടക്കണേ , പാമ്പിനെ മറന്നു സ്ത്രീ ജനങ്ങള് മുഴുവൻ സീരിയലിൽ മുഴുകി ഇരിക്കുന്നു.

സന്ധ്യ കഴിഞ്ഞു , ഇരുട്ട ആയി, പാമ്പ് ഓടി പോകാതെ ഇരിക്കാൻ ആയി കൂട്ടത്തിലെ യുവ എഞ്ചിനീയർ ദിന അവിടെ മുഴുവൻ ട്യൂബ് ലൈറ്റ് വാടകക്ക് എടുത്തു ഇട്ടു ....

അപ്പോഴും പാമ്പ് ഒരു കൂട്ടം മരത്തിന്റെ അകത്തു തന്നെ ആണ്.

സാഹസികാൻ ആയ ഹാരിഷ് ഈ കാര്യങ്ങൾ വളരെ വൈകി  ആണ് അറിയുന്നത്... വന്ന ഉടനെ  എന്നോട് ചൂടായി .. നീ എന്തിനാ പോലീസെ നെ ഒക്കെ അറിയിച്ചേ. ഞാൻ ഇവിടെ ഇല്ലേ ?

എനിട്ട്‌ തിരിഞ്ഞു ഇജുനോട്  ആയി.

ഹാരിഷ് : ഇജു, നീ പൊയ് പാമ്പിനെ പിടിക്കാൻ വല്ല ഐഡിയ ആരോടേലും ചോദിക്ക് നമ്മുക്ക് പാമ്പിനെ പിടിക്കാം.

നാട്ടില് വീടുക്കര്ക്കോ നാട്ടുകര്ക്കോ വില ഇല്ല. ഇത് കൊണ്ട് ചിലപ്പോ ഹീറോ ആയാലോ ??

ഇജു സമ്മതിച്ചു , അബിയെ അത് ഏല്പിച്ചു. ഈ ബഹളത്തിന്റെ ഇടക്ക് വീട്ടിൽ വന്നവര്ക് ചായ കൊടുക്കാൻ ആയി പാല് വാങ്ങാൻ വരെ നിതിൻ പോയി..

പാമ്പിനെ എങ്ങനാ പിടിക്കാം എന്ന് ചര്ച്ച അകത്തും പുരോഗമിക്കുന്നു . അബി  ഐഡിയ കണ്ടു പിടിക്കാൻ ആയി നടക്കുമ്പോൾ ആണ് അകത്തു ഒരു സ്ത്രീ ശബ്ദം കേൾകുന്നത് ...

ശബ്ദം: ഒഹ്  ഇതൊക്കെ  എന്ത് പാമ്പ് നമ്മള് കഴിഞ്ഞ ആഴ്ച കണ്ടില്ലേ, ആ പെണ്ണ് ആ പാമ്പിനെ പിടിക്കുന്നത്‌ അത് പോലെ ആര്കേലും പിടിച്ച പോരേ .

ഇത് കേട്ട് അബി  അവിടുന്ന് ഇജു നെ വിളിച്ചു , ഐഡിയ കിട്ടി നീ അവര് പറയണത് എന്താ എന്ന് കേള്ക്കു ഞാൻ ആ സംഗതികൾ ഒക്കെ ഒപ്പിക്കാം എന്ന്.


അങ്ങന ഗുരു നാഥൻ  ഇല്ലാതെ ഹാരു പാമ്പിനെ പിടിക്കാൻ ഇജുന്റെ നിര്ദേശം കാത്തു നിന്ന്.

അപ്പോഴേക്കും അകത്തു ആരോ  പാമ്പിനെ പിടിക്കാൻ ഉള്ള ഐഡിയ പറഞ്ഞു തുടങ്ങി.

ശബ്ദം : ആദ്യം ആ പെണ്ണ് ചെയ്ത പോലെ അവിടെ ഒക്കെ ലൈറ്റ് ഇടണം. എന്നിട്ട് ഒരു പാട്ടയിൽ മണ്ണെണ്ണ എടുത്തിട്ട് ഒരു തീ പന്തത്തിൽ ഒഴിച്ചു . അപ്പോഴേക്കും പാമ്പ് അവിടെ ഇഴഞ്ഞു വന്നു. ഇവള് തിരിഞ്ഞു നിന്ന് പാമ്പിനെ നോക്കി ഒന്ന് അലറി. എനിട്ട്‌ പന്തം ഒറ്റ കൊളുത് കൊളുത്തി പാമ്പിന്റെ വായിൽ അങ്ങ് ഇട്ടു.


മലയാളം സിനിമ മാത്രം കണ്ടിട്ടുള്ള ഇജു ഇത് കേട്ട ഉടനെ നിതിൻ ന്റെ വീട്ടിൽ പൊയ് ഒരു കന്നാസു മണ്ണെണ്ണ arnold മാമന്റെ ഒരു ലുന്ഖി ഒരു വടി ഒക്കെ ആയി ഓടി വന്നു.

ഞങ്ങളോട് ആ കഥ പറഞ്ഞു.

ഹാരു ഇത് കേട്ട് പന്തം കെട്ടി കൊണ്ടിരിക്കുമ്പോൾ ആണ് അബി  നടന്നു വന്നു ഞങ്ങളോട് പറയണേ . അളിയാ ആ പെണ്ണുങ്ങൾ  അകത്തു ANNACONDA  സിനിമ യുടെ കഥ പറയുക ആയിരുന്നു.

എന്നിട്ട് ഇജു നെയും ഹാരുനെയും  നോക്കി ..

അബി : എടാ പൊട്ടാ അവര് സിനിമ കഥ പറഞ്ഞതാ അത് കേട്ടിട്ട് ആണോ നീ മണ്ണെണ്ണ ഒക്കെ ആയി പാമ്പിനെ പിടിക്കാൻ പോണേ. പോടാ വെടലെ ....

ഞങ്ങൾ ബാക്കി ഉള്ളവർ  ഇത് മുഴുവൻ കേട്ടില്ല.. കാരണം ചിരിച്ചു ചിരിച്ചു പലരും മണ്ണില വീണു തുടങ്ങി.

അതോടെ ഇജു നു ഒരു പേരും വീണു. ഹോളിവുഡ് ഇജു.

ഇങ്ങനെ തമാശ കാണിക്കുന്നതിന്റെ ഇടയിൽ അവിടെ നിന്ന ഒരു പയ്യന് വിളിച്ചു പറഞ്ഞു.

ചേട്ടാ ഓടിക്കോ  പാമ്പ് ദേ പുറത്തേക്കു വരുന്നു എന്ന്.. അത്ര നേരം ദീര യോദ്ധാവിനെ പോലെ നിന്ന ഹാരു  ഓടി പൊയ് മരത്തിൽ ചാടി കയറി.

ഞങ്ങൾ എല്ലാം അവനെ കളഞ്ഞു അവിടുന്ന് പുറത്തേക്കു ഇറങ്ങി ഓടി

ഈ സമയം തന്നെ പാമ്പ് പിടിതുക്കാരൻ ആയി നേരത്തെ കണ്ട SI യും  സംഗവും  എത്തി.

പോലീസ്  അവിടെ വന്നപ്പോൾ എല്ലാര്ക്കും കാര്യം പിടി കിട്ടി സംഭവം പെരുമ്പാമ്പ്‌ തന്നെ ആണ് എന്ന്.


അപ്പൊ തന്നെ ആ ഏരിയയിലെ സ്വയം ഗുണ്ട എന്ന് വിശേഷിപ്പിക്കുന്ന അഭിലാഷ് അണ്ണൻ ഫോണ്‍ എടുത്തു സ്പീകെരിൽ ഇട്ടു വിളിച്ചു.

ഫോണ്‍ : ഹലോ മാതൃഭൂമി ഓഫീസ്  അല്ലെ, സർ യിവിടെ ഒരു വീട്ടിൽ  മലമ്പാമ്പ് കയറി ഇരിക്കുന്നു. ഇപ്പൊ അതിനെ പിടിക്കും സർ പെട്ടന് വാ ഫോട്ടോ എടുത്തു പത്രത്തിൽ  ഇടാം .

മാതൃഭൂമി: ശരി മോനെ, ഞങ്ങൾ അവിടെ എത്താം. തെറ്റായ വാർത്ത‍ തന്നാൽ രണ്ടു പെര്കും പ്രശനം ആവും. കുഴപ്പം ഉണ്ടോ ?

അതൊന്നും കുഴപ്പം എല്ലാ എന്ന് പറഞ്ഞു അഭിലാഷ അണ്ണൻ പോലീസ് ന്റെ കൂടെ അങ്ങോട്ട്‌ പൊയ്.

ഏകദേശം ഒരു 10 മിനുട്ട് എടുത്തു പാമ്പും ആയി പാമ്പ് പിടുത്തക്കാരൻ എത്തി.

പാമ്പിനെ കണ്ടതും എനിക്ക് ഒരു കാര്യം മനസിലായി. സംഭവം മലമ്പാമ്പ് അല്ല അണലി ആണ് എന്ന്.

ഞാൻ സുല്ഫിയുടെ മുഖത്തേക്ക് നോക്കി. എങ്ങനാ ആണ് എന്ന് അറിയില്ല , ഒരു ബൈക്ക് സ്റ്റാർട്ട്‌ ആവാന ശബ്ദവും കേട്ടു  കൂടെ സുല്ഫിയുടെ വിളിയും.


"അളിയാ കയറിക്കോ സ്കൂട്ട് ആവാം...."

കേട്ട ഉടനെ ഞങ്ങൾ സ്ഥലം വിട്ടു.

പിന്നീടു അവിടെ നടന്നത് ഹോളിവുഡ് ഇജു , അവന്റെ സ്റ്റൈലിൽ പറഞ്ഞു തന്നു.

ഹോളിവുഡ് ഇജു :

പാമ്പിനെ ആയി വന്ന ചേട്ടനോട് , SI  ചോദിച്ചു ഇത് മലമ്പാമ്പ് ആണോ എന്ന്. അപ്പൊ അയാള് പറഞ്ഞു അല്ല സർ ഇത് അണലി ആണ്.

ഇത് കേട്ട് ആകെ കലിപ്പ് ആയ പോലീസുകാരൻ ചുറ്റും തിരയണ  പോലെ നോക്കി. എനിട്ട്‌ എല്ലാരോടും ആയി ചോദിച്ചു അവന്മാര് എന്തിയേ .. സ്റ്റേഷനിൽ വന്ന ആ പയ്യന്മാരു ... ??

ഞങ്ങൾ സ്കൂട്ട് ആയി എന്ന് അറിയാണ്ട് അഭിലാഷ് അണ്ണൻ അവിടെ വന്നു SI നോട് പറഞ്ഞു അത് എന്റെ പിള്ളേരാ സർ , ഞാന പറഞ്ഞു വിട്ടത് എന്ന്.

ഞങ്ങളോട് തീര്കേണ്ടത്‌  പോലീസു കാര്  ആ ചേട്ടനോട് തീർത്തു ....

ഇനിയും കഴിഞ്ഞില്ല...

അതിന്റെ ഇടക്ക് മാതൃഭൂമി ഓഫീസ് ഇൽ  നിന്ന് വിളി വന്നു അഭിലാഷ് ചേട്ടന് .. അതിൽ തന്നെ എല്ലാം അടങ്ങി ഇരുന്നു ... അപ്പുറത്തെ ആള് മാന്യൻ ആയതു കൊണ്ട് ചേട്ടൻ ഒന്നും കേട്ടില്ല....

ഈ ബഹളം എല്ലാം കേട്ടോണ്ട്‌ ആ വഴിയെ പോയ ഒരു പുള്ളി ഒന്നും അറിയാണ്ട് അകത്തേക്ക് കയറി വന്നു. പോലീസ്  കാരോട് ആവശ്യം ഇല്ലാതെ കയറി അങ്ങ് കയർത്തു .

പാമ്പിനെ പോലീസ്  വിൽക്കാൻ ശ്രമിക്കുക ആണ്. അത് ഞാൻ ജീവന ഉണ്ടേൽ തടയും എന്ന്.

ഒന്നാമത്തെ സഹികെട്ട് നിന്ന പോലീസ് , പാമ്പ് ആയി പോകുന്ന വഴി ആ പുള്ളിയെ കൂടി കൊണ്ട് പൊയ് എന്നായിരുന്നു പിന്നെ കേട്ടത്......

അങ്ങന ആഘോഷം ആയി അന്ന് ആ പാമ്പ് അവിടുന്ന് യാത്ര ആയി.

പിന്നെ കുറച്ചു നാളത്തേക്ക് സുല്ഫി പോലിസിനെ വെട്ടിച്ചു ജീവിച്ചു. ഞാൻ ചെന്നയിൽ ഒളിവിലും ....

അന്ന് സുല്ഫി ഓടിയ ഓട്ടം കണ്ടിട്ട് ഹോളിവുഡ് ഇജു അവനു ഒരു പേര് ഇട്ടു.


അണലി ഭാസ്കരാ ഓടിക്കോ .......................................................................................

                                                                                                                  എന്ന് സ്വന്തം,
                                                                                                                  സുഹുർത്ത് .  

Travel blog to Agasthyarkoodam

യാത്രകൾ  ഒരുപാട്  പോയിടുണ്ട്, അതില് ഏറ്റവും കഠിനം ആയി തോന്നിയ ഒരു യാത്ര ഉണ്ട്.. അഗസ്ത്യർ കൂടം

അതിനെ പറ്റി  എഴുതാൻ ആലോചിച്ചിട്ട് കുറച്ചു നാളുകൾ  ആയി. പക്ഷെ ഇപ്പൊ ആണ്  എഴുതാൻ സാഹചര്യം ഉണ്ടായത്

വായിക്കുമ്പോൾ അവിടെയും ഇവിടെയും ഒക്കെ എന്തോക്കൊയോ മിസ്സ്‌ ആയ പോലെ തോന്നും , തെറ്റുകൾ  അടുത്ത ബ്ലോഗിൽ  തിരുത്താൻ ശ്രമിക്കും.


ഇനി പോയ സ്ഥലത്തെ കുറിച്ച് ഒരു കുഞ്ഞു വിവരണം.

അഗസ്ത്യാർകൂടം : കേരളത്തിലെ തിരുവനന്തപുരം ജില്ലയിൽ പൊന്മുടി എന്നാ വിനോദ സഞ്ചാര കേന്ദ്രത്തിന്റെ അടുത്തു ബോണ ക്കാട് എന്നാ സ്ഥലത്ത് ആണ് ... ( ഇതും ഞാൻ ഗൂഗിളിൽ തപ്പി കണ്ടു പിടിച്ചതാ )

കൃത്യം പറഞ്ഞ പൊൻ‌മുടിയിൽ നിന്ന് ഏകദേശം 15 - 20 കിലോമീറ്റർ ദൂരം.

ഈ വന പ്രദേശം കേരള ഫോറെസ്റ്റ് department ന്റെ  പരിധിയിൽ ആണ്.  അത് കൊണ്ട് അവിടേക്ക് ഒരു  യാത്ര പോകും മുന്പ് പാസ്‌ എടുക്കേണ്ടത് നിർബന്ദം  ആണ്.

ഒരു വർഷത്തിൽ 30 ദിവസം മാത്രമേ ഇവിടേയ്ക്ക് യാത്ര അനുവദിച്ചിട്ടുള്ളൂ .  കൃത്യം ആയി പറഞ്ഞ മകര വിളക്ക് കഴിഞ്ഞു അടുത്ത ദിവസം (ജനുവരി പകുതി) തൊട്ടു ശിവ രാത്രി വരെ ( ഫെബ്രുവരി പകുതി) വരെ.

http://www.forest.kerala.gov.in/

മുകളിൽ  പറഞ്ഞ സൈറ്റ് ജനുവരി ആദ്യ വാരം തന്നെ പബ്ലിഷ് ആവും. തത്കാൽ ടിക്കറ്റ്‌ എടുക്കണ  പോലെ ആണു പാസ്സ്  തീരുന്നത്. അഞ്ചു മിനിറ്റ് കൊണ്ട് ഏകദേശം മുപ്പതു ദിവസത്തെ പാസ്സ്  തീരും. അത് കൊണ്ട് എല്ലാം കരുതി ഇരിക്കുക്ക. ബുക്ക്‌ ചെയ്യുമ്പോൾ ഒരു govt  identity നമ്പർ  ചോദിക്കും , അതെ കാർഡ്‌ വേണം പോകുമ്പോളും കൊണ്ട് പോകാൻ

ഒരു ദിവസം 100 പാസ്സ്  മാത്രമേ കൊടുക്കു , ബാക്കി  എല്ലാം നമ്മുടെ ഭാഗ്യം പോലെ.


ഞങ്ങളുടെ യാത്രയിൽ അങ്ങനെ ഞങ്ങൾ 7 പേർക്ക്  പാസ്സ്  കിട്ടി.

ഒരു ഫെബ്രുവരി ആദ്യ വാരം.....

കൃത്യം എട്ടു മണിക്ക് തന്നെ ഞങ്ങൾ എല്ലാരും അവിടെ എത്തി...

ഇനി അവിടെ കയറും മുന്പ് ഉള്ള rules  പറയാം

1. കൊടുത്ത identity കാർഡ്‌ നമ്പർ ഉള്ള ആളും തമ്മിൽ സാമ്യം വേണം
2. പ്ലാസ്റ്റിക്‌ കുപ്പി  എണ്ണം കൊടുത്തു പാസ്‌ എടുക്കണം ഇല്ലെങ്ങിൽ നൂറു രൂപ ഫൈൻ (തിരിച്ചു വരുമ്പോൾ കൊടുത്ത എണ്ണം ശരി  ആണോ എന്ന് അവര് ചെക്ക്‌ ചെയ്യും )
3. alcoholic ഐറ്റംസ് കൊണ്ട്  പോകാൻ പറ്റില
4. അഗസ്ത്യർ കൂടതിലെ ബേസ് ക്യാമ്പിൽ കാണിക്കാൻ ഇവിടെ നിന്ന് receipt  തരും

ഇതിനു മുന്നേ പല യാത്രകൾ ചെയ്തത് ഒരു experience ഉള്ളത് കൊണ്ട് ഞങ്ങൾ എല്ലാം കരുതി ഇരുന്നു. അത് പോലെ തലേന്ന് പെയ്ത മഴ കാരണം കാട്ടിലെ നീര് ഉറവകൾ ;വെള്ളം നിറഞ്ഞു ഇരുന്നു

ഇനി ആണ് യാത്ര വിവരണം. :

ബോണക്കാട് ഫോറെസ്റ്റ് ഓഫീസ്  തൊട്ടു അഗസ്ത്യ മല (base  camp ) വരെ 20 കിലോമീറ്റർ ദൂരം. അവിടെ നിന്ന് മലയുടെ മുകളിൽ  വരെ എത്താൻ 8 കിലോമീറ്റർ . ഓരോ നാല് കിലോമീറ്റർ ദൂരത്തിലും ഫോറെസ്റ്റ് ക്യാമ്പ്‌ ഇണ്ട് .

അവസാന ക്യാമ്പ്‌ തൊട്ടു അഗസ്ത്യ മല വരെ വേറെ ക്യാമ്പ്‌ ഇല്ല.

പറഞ്ഞു പറഞ്ഞു ഞാൻ ബോർ അടിപ്പികുന്നില്ല  ...


ഏകദേശം രാവിലെ ഒന്പത് മണിക്ക് തന്നെ ഞങ്ങൾ ഏഴു പേര് നടക്കാൻ തുടങ്ങി.  അതിനു മുന്നേ എല്ലാരും ചേര്ന് ഒരു ഫോട്ടോ session ഇണ്ടായിരുന്നു .

ഇന്റ്രോ ഫോട്ടോ :::

കയറും മുന്പ് അവിടുത്തെ ആൾകാര് ഞങ്ങളോട് ഊന്ന് വടി വേണോ എന്ന് ചോദിച്ചു. ഒരു വടിക്  20 രൂപയും. അത്യാവശം ആരോഗ്യം ഉണ്ട് എന്ന് കാണിക്കാൻ ഞാൻ വടി വാങ്ങിയില്ല. ബാക്കി എല്ലാരും വാങ്ങി. എന്റെ ഭാഗ്യത്തിന് അകത്തു നിന്ന് ഒരു വടി കിട്ടി . ചുമ്മാ ഇരികട്ടെ എന്ന് വച്ച് ഞാൻ അത് വാങ്ങി വച്ച്.

(വടി യുടെ ആവശ്യം ഞാൻ പിന്നെ പറയാം)

ആദ്യത്തെ നാല് കിലോമീറ്റർ നേരെ ഉള്ള വഴി ആണ്. അത് കൊണ്ട് ഞങ്ങൾ ഒരു 20-30 കിലോമീറ്റർ സ്പീഡിൽ നടന്നു. അങ്ങനെ ആദ്യത്തെ അവരുടെ ക്യാമ്പ്‌ കഴിഞ്ഞു.

പിന്നെ ചെറിയ കയറ്റങ്ങളും ഇറക്കങ്ങളും , അപ്പൊ കൂടെ വന്ന ഒരാള് പറയുന്നത്  കേട്ടു  ഇതാണോ വലിയ ട്രെക്കിംഗ് . ഇതിലും വലുത് ഞാൻ പോയിടുണ്ട് . ഇത് കേട്ട്  അടുത്ത കൂട്ടത്തിലെ ഒരാള് ദൂരെ കൈ കാണിച്ചിട്ട് പറഞ്ഞു .. ആ കാണുന്ന മല കണ്ടോ , അതിന്റെ അപ്പുറത്ത് വേറെ ഒരു  മല ഇണ്ട് . നിങ്ങള് ഇന്ന് രാത്രി മുന്പ് അവിടെ എത്തണം  എന്നാലെ  നാളെ രാവിലെ എഴാം മല കയറാൻ പറ്റു ....


"ആ ഒറ്റ ഡയലോഗ് ഞങ്ങളെ എല്ലാരും ശാന്തരാക്കി ... എങ്ങനെയും മൂനാം മല കയറി ഇറങ്ങണം എന്ന്.."

കാട് ഞങ്ങളെ പതുകെ വരവേല്ക്കാൻ തുടങ്ങി ഇടക്ക് പെട്ടന് വെയില് വരും. ഇടക്ക് പെട്ടന് കാറ്റു  ആഞ്ഞു  അടിക്കും.

പെട്ടന്ന് ആവും   ആവും ചീവീട് കരയുന്ന ഒച്ച കേൾക്കാം .. ഭാഗ്യം കൊണ്ട് അത്ര നേരവും ഒരു അണ്ണാൻ കുഞ്ഞിനെ പോലും കണ്ടില്ല.

ഇനി അത് ചോദിച്ചാൽ വല്ല പുലി വന്നാലോ എന്ന് പേടിച്ചു ഞങ്ങൾ നടക്കാൻ തുടങ്ങി.

 ഏകദേശം ഒരു 11 മണിക്ക് ഞങ്ങൾരണ്ടാമത്തെ ക്യാമ്പ്‌ അടുത്ത്  എത്തി. അതിന്റെ ഇടക്ക് രാവിലെ കരുതിയ ഭക്ഷണം കഴിച്ചു , ഒരു കാട്ടു  അരുവിയിൽ കുളിച്ചു.

വീണ്ടും കയറ്റം ഇറക്കം ചെങ്കുത്തായ ഇറക്കം അങ്ങനെ ഞങ്ങളുടെ നടത്തം തുടർന്ന് കൊണ്ടേ ഇരുന്നു. ഇതിന്റെ ഇടക്ക് എല്ലാരും പരസ്പരം ലോക കാര്യങ്ങൾ തൊട്ടു പണ്ട് നടത്തിയ ജൈത്ത  യാത്ര വിവരണം , ഫോട്ടോ എടുപ്പ് അങ്ങന അങ്ങന


തുടങ്ങിയ സമയത്തെ നടത്തം അല്ലാണ്ട് ആയി ഒരു ഉച്ച രണ്ടു മണി അടുപിച്ചു ആയപ്പോൾ. എല്ലാര്ക്കും നല്ല ക്ഷീണം.

എന്നാൽ കുറച്ചു ഭക്ഷണം കഴിക്കാം എന്ന് കരുതി മൂനാമത്തെ ക്യാമ്പിൽ ചെന്ന്നു ഇരുന്നു. ഭക്ഷണം ഒക്കെ കഴിച്ചു കഴിഞ്ഞു .. ഞാൻ പറഞ്ഞു ചെറുതായി ഒന് മയങ്ങാം എനിട്ട്‌ ആവാം യാത്ര.

"അന്ന് വരെ കട്ടിലിൽ മാത്രം കിടന്നു ഉറങ്ങിയവർ - പ്ലീസ്  ഉറങ്ങരുത്. കാരണം കാട് ആണ് , ഒന്ന് ഉറങ്ങിയാൽ അടുത്ത് എന്ത് വന്നു കടിക്കും , ആന ചവിട്ടുമോ എന്ന് പോലും അറിയില്ല. എല്ലാം ഒരു വിശ്വാസം ആണ്.. സൗകര്യങ്ങൾ  കൂടുതൽ ഉള്ളവർ  ഉള്ളത് പോലെ അഡ്ജസ്റ്റ് ചെയ്യാമെങ്ങിൽ മാത്രം മുന്നോട്ടു തുടരുക "


ഞങ്ങൾ അവിടെ ഏകദേശം പത്തു മിനുട്ട് ഉറക്കം എന്ന് പറഞ്ഞു തുടങ്ങി , നാൽപതു മിനിറ്റ് ഉറക്കം ആയി. അപ്പോൾ ആണ് അവിടെ ഉള്ള ഫോറെസ്റ്റ് ഓഫീസർ പറയണേ. പെട്ടന് എഴുനേറ്റു മൂനാം മല കടക്കാൻ നോക്ക്. ഇല്ലേൽ ആന , പുലി, കരടി ഒക്കെ ഇറങ്ങാന നേരം ആവും..


നല്ല ക്ഷീണത്തോടെ കിടന്ന ഞങ്ങൾ എല്ലാരും പെട്ടന് തന്നെ എഴുനേറ്റു .

ഇനി ഉള്ള യാത്ര പുൽ മേടുകളിൽ ആണ്.

നോട്ട് : ഇവിടെ ആണ് അവസാനത്തെ ജല സ്രോദസ്സ് ഇനി ഇത് കഴിഞ്ഞാല അടുത്തത് വെള്ളം ഇന്ടെൽ ഇടക്ക് വല്ല അരുവിയിൽ കിട്ടും ഇല്ലേൽ നാലാമത്തെ ക്യാമ്പ്‌ എത്തണം .

ഞങ്ങൾ എല്ലാം വെള്ളം ഒക്കെ എടുത്തു നടക്കാൻ തുടങ്ങി.. ഭൂ പ്രകൃതി ആകെ മാറി അതിനു ശേഷം , കണ്ണെത്ത ദൂരത്തോളം പുൽ മേട് .....

പുല്ല് ആണേൽ ഒരു 6 അടി പൊക്കത്തിലും. "കൂട്ടത്തില ആരോ പറഞ്ഞു മഞ്ഞു വീഴുന്ന പുൽമേട്ടിൽ ആണ് പുലി ഇറങ്ങാൻ സാദ്യത എന്ന്."

തീര്നില്ലേ കഥ, പിന്നെ കൂടെ ഉള്ളവർ  എല്ലാം ഓട്ടം തന്നെ ആയിരുന്നു, ഞാനും .


ഭക്ഷണം തീര്ന് വരുന്ന കാര്യം ഞാൻ എല്ലാരേയും ഒര്മിപിച്ചു . കാട്ടിൽ  ആകെ കിട്ടനത് വെള്ളം മാത്രം ആണ് പിന്നെ ബസ് ക്യാമ്പ്‌ എത്തണം  അത് വരെ കയ്യില ഉള്ളതിന്റെ പാതി മാത്രം കഴിക്കുക കാരണം തിരിച്ചു വരുമ്പോൾ കഴിക്കാൻ ആണ് ബാക്കി ഉള്ള പകുതി

വിഷപിന്റെ വില , കിട്ടിയ സാദനങ്ങൾ  കളയാതെ എങ്ങനെ കഴിക്കാം, ഓരോ തുള്ളി വെള്ളവും പാഴാക്കാതെ എങ്ങനാ കുടിക്കാം എന്നോകെ പഠിക്കണം എങ്കിൽ ഒരു സ്കൂളിൽ ലും പോകണ്ട , ഒരു വട്ടം ഈ വഴി വന്നാൽ മതി.


അങ്ങന ഏകദേശം 5 മണിക്ക് അടുപിച്ചു ഞങ്ങൾ പുൽമേട്‌  കടന്നു. ഇനി ഉള്ളത് ചെങ്കുത്തായ ഒരു മല ആണ്. അതിനെ കാൽ പ്രശനം വെളിച്ചം കടക്കാത്ത അത്രയും തിങ്ങി നിറഞ്ഞു മരങ്ങളും.

ഈ ഫോട്ടോയിൽ കാണുന്ന വര ആണ് ഞങ്ങൾ നടന്നു വന്ന വഴി

ഇവിടെ ആകെ സൂക്ഷിക്കാൻ ഉള്ളത് പാമ്പുകളെ ആണ്. എവിടെ ആണ് ഇത് കിടക്കുന്നെ എന്ന് പറയാൻ പറ്റില്ല. നില തെറ്റി ചിലപ്പോള വള്ളി എന്ന് പറഞ്ഞു കയറി പിടിക്കനത് പാമ്പിൽ  ആവും. അത് കൊണ്ട് സൂക്ഷിച്ചു നടക്കുക്ക , നനവ്‌ ഉള്ള സ്ഥലങ്ങളില നടുവിലൂടെ നടക്കുക.

ഈ ഭാഗത്ത്‌ ആണ് ഞാൻ ആദ്യം ഒരു ഊന്  വടി യുടെ കാര്യം പറഞ്ഞില്ലേ, അതിന്റെ ഉപയോഗം വരണത്.

ഓരോ കയറ്റവും വളരെ കഠിനം, കൂടെ ബാഗിലെ ഭാരവും , ആദ്യം ഞാൻ വടി കുത്തും എനിട്ട്‌ ആ വടിയിൽ ഊന്നി ആണ് കയരനെ.

അങ്ങന നടന്നു ഞങ്ങൾ നാലാമത്തെ ക്യാമ്പ്‌ അതായതു ബസ് ക്യാമ്പ്‌ എത്തി. രാവിലെ ഒന്പത് മണിക്ക് തുടങ്ങിയ യാത്ര വൈകുന്നേരം നാല് മണി കഴിഞ്ഞു എത്താൻ  ആയി.

 ഇതും മുന്പ് രണ്ടു വഴി ഉണ്ട്. ഒന്ന് അഗസ്ത്യ മലയിലേക്കു മറ്റൊന്ന് ക്യാമ്പിലേക്ക്

ഈ പോകുന്ന വഴിക്ക് ഒരു സര്പ്പ കാവ് വഴി ആണ് നടന്നു പോകുന്നത് , അത് കൊണ്ട് അവിടും ഒരു വിദം  വൃത്തികേട്‌  ആക്കാതെ നടക്കുക.

ക്യാമ്പിൽ എത്തിയ ഉടനെ ഞങ്ങൾ പോയി ഞങ്ങള്ക് ഉള്ള പായ പിന്നെ കിടക്കാൻ ഉള്ള സ്ഥലം എല്ലാം കണ്ടു പിടിച്ചു.

അവിടെ എങ്ങനാ അങ്ങനെ ഒരു കെട്ടിടം ഉണ്ടാക്കി എന്ന് ഒരു പിടിയും ഇല്ല.  പക്ഷെ അടി പൊളി ഒരു പഴയ കെട്ടിടം. ചുറ്റിനും പനയോല വച്ച് കെട്ടിയ കൊറേ കുടിലുകളും... ഇത്തിരി മാറി എട്ടു ബാത്ത്രൂം  കുളി മുറിയും.

ശരിക്കും കാടിനെ ശരിയാം വണ്ണം ഉപയോഗിച്ച ഒരു സ്ഥലം. എല്ലാ ഇടതും കറന്റ്‌ ഉണ്ട്. സോളാർ വച്ച് കറന്റ്‌ എടുക്കുന്നു. അരുവിയിലെ വെള്ള്ലം മോട്ടോർ വച്ച് പമ്പ്  ചെയ്തു കുളിമുറികളിൽ

നോട്ട് : ക്യാമ്പിൽ ചെല്ലുമ്പോൾ പുറത്ത് കുടിലിൽ കിടക്കാൻ നോക്കണ്ട, കാരണം ആരും കുടിലിന്റെ അരികില കിടക്കാറില്ല, വേറെ ഒന്നും കൊണ്ടല്ല തണുത്ത കാറ്റ് രാത്തിരി അടിച്ചു കയറും... ഓരോ കാറ്റിലും  നമ്മൾ തണുത്തു  മറവിക്കും.

അങ്ങനെ ക്യാമ്പിൽ എത്തി ആദ്യം ഞങ്ങൾ പൊയ് ഓരോ കാട്ടാൻ കാപ്പി ഓർഡർ ചെയ്തു

ജീവിതത്തിൽ ഇത്ര  നല്ല ഒരു കാപ്പി ഞാൻ കുടിച്ചു കാണില്ല. അത്രയ്ക്ക് രുചി ആയിരുന്നു.

ആ രുചി വിഷപിന്റെ രുചി ആണ് എന്ന് ആരോ പറഞ്ഞു

ഇനി അവിടുത്തെ ക്യാമ്പിലെ മെനു പറയാം.. രാത്രി കഞ്ഞി, ചോറ് , കട്ടങ്കാപ്പി ഉണ്ട്. രാവിലെ ഉപ്പുമാവ്. ഉച്ചക്ക് ഊണ്..

ജീവിതത്തിൽ ഞാൻ ഏറ്റവും രുചിയോടെ കഴിച്ച ഐറ്റംസ് ഏതൊക്കെ എന്ന് ചോദിച്ചാൽ അതിൽ ഒരെണം ഈ ക്യാമ്പിൽ നിന്ന് കഴിച്ച ഫുഡ്‌ ആയിരിക്കും.

അങ്ങന നടത്തത്തിനെ ആദ്യ ദിവസം കഴിഞ്ഞു .ഇനി വിശ്രമം ആണ് നാളെ രാവിലെ വരെ.. പകൽ  വെളിച്ചത്തിൽ മാത്രമേ അഗസ്ത്യ മലയിൽ കയറാൻ അനുവാദം

അത് കൊണ്ട് നേരം പോകാൻ ആയി ഞങ്ങൾ ക്യാമ്പ്‌ പരിസരം ചുറ്റി നടന്നു. ക്യാമ്പിൽ നിന്ന് നോക്കിയാൽ അഗസ്ത്യ മല കാണാം .ആ ഒരു ഭംഗി അവിടെ നിന്ന് തന്നെ കണ്ടു ആസ്വദിക്കണം.

ഇനി നാളെ രാവിലെ പോകാൻ ഉള്ള തയ്യാറെടുപ്പ് ആയിരുന്നു അതിനു മുന്നേ ഒരു കുഞ്ഞു ഉറക്കം .രാത്തിരി ഞങ്ങൾ ചൂട് കഞ്ഞിയും കുടിച്ചു കിടക്കാൻ പോയി...മഴയത് കിടന്നു ഉറങ്ങും പോലെ ആയിരുന്നു, തണുത്ത കാറ്റ്, അതിന്റെ കൂടെ മലയിലെ തണുപ്പും. എങ്ങനെ ഒക്കെയു കിടന്നു ഉറങ്ങി..

രാവിലെ കൃത്യം 5 മണിക്ക് ഞങ്ങൾ ഉണരുന്നു പ്രബാധ കർമങ്ങൾ കഴിച്ചു. തലേന്ന് മലയിൽ മഴ ആയതു കൊണ്ട് അന്ന് ക്യാമ്പിൽ 200 പേര് അടുപിച്ചു ഉണ്ടായിരുന്നു. അത് കൊണ്ട് ക്യാമ്പിൽ ഇത്തിരി തിരക്ക് ആയിരുന്നു.


അഗസ്ത്യ മല രണ്ടാം ദിവസം : ULTIMATE  DAY


ഇന്ന് ആയിരുന്നു ആ ദിവസം കഴിഞ്ഞ കുറച്ചു വർഷങ്ങൾ ആയി അഗസ്ത്യ മലയുടെ മുകളിലേക്ക് പോകണം എന്നാ ആഗ്രഹം സഫലമായ ദിവസം.

രാവിലെ അഞ്ചു മണിക്ക് തന്നെ ചിലര് ഫോറെസ്റ്റ് guard  വെട്ടിച്ചു ക്യാമ്പിനു പുറത്തു പോയി. ഞങ്ങൾ പോകട്ടെ എന്ന് ചോദിച്ചപോൾ പറഞ്ഞത്..

guard : സർ, ഈ കാട് കഴിഞ്ഞ ഈറ്റ  കാട് ആണ്, അത് കഴിഞ്ഞു പോങ്ങാല പാറ, പിന്നെ മുട്ട് ഇടി പാറ .. ഇതിൽ മുട്ട് ഇടി പാറ വരെ വന്യ ജീവികൾ കാണും. ഇന്നലെ അവിടെ കരടിയെ ആരോ കണ്ടു എന്ന് പറഞ്ഞിരുന്നു .

ഞങ്ങൾ അത് കേട്ട് കാത്തു ഇരുന്നു.

 രാവിലെ 6 മണി ആയതു കൊണ്ട് ക്യാമ്പിൽ ഭക്ഷണം ആയില്ല.  അത് കൊണ്ട് കൊണ്ട് വന്ന ഫുഡ്‌ തന്നെ ഞങ്ങൾ കരുതി ...

ഇന്നലെ മൊത്തം കണക്കു കൂട്ടിയപ്പോൾ ഞങ്ങൾ ഏകദേശം 20 കിലോമീറ്റർ നടന്നു .. ഇനി 8 കിലോമീറ്റർ നടക്കണം, അതും ചെങ്കുത്തായ കയറ്റം....

നല്ല തണുത്ത കാറ്റും, മഞ്ഞും കാരണം മുന്നില് പോകുന്നവരെ കാണാൻ പറ്റാത്ത അവസ്ഥ ,അതിന്റെ ഇടയില കൂടി ഞങ്ങൾ നടത്തം ആരംഭിച്ചു..

ഏകദേശം 8 മണി അയപോഴെകും ഞങ്ങൾ ഈറ്റ കാട് കഴിഞ്ഞു പോങ്ങാല പാറ എത്തി.

പോങ്ങാല പാറ : ഒരു ഐഹിത്യം ഉണ്ട് ഇവിടെ, അവിടെ പോങ്ങാല വച്ച്, അഗസ്ത്യ മുനിയുടെ വിഗ്രഹത്തിന്റെ അടുത്ത് പൊയ് വന്നു കഴിഞ്ഞാലും വച്ച പായസത്തിനു ചൂട് കാണും എന്ന്.

ഞങ്ങൾ അവിടെ നിന്ന് രാവിലെ ഒരു അരുവിയിൽ കുളി ഒക്കെ കഴിഞ്ഞു , മുട്ട് ഇടി പാറ ലക്‌ഷ്യം വച്ച് നടന്നു..

മുട്ട് ഇടി പാറ അതിന്റെ പേര് എങ്ങനാ വന്നു എന്ന് കയറിയപോൾ ആണ് മനസ്സിൽ ആയതു. ഒരു ചുവട് വച്ച് അടുത്ത ചുവടു വൈക്കാൻ പോകുമ്പോൾ നമ്മുടെ കാൽ മുട്ട് നെഞ്ചിൽ ഇടിക്കും.

അങ്ങന ഉള്ള കുറച്ചു കയറ്റം, ഇത്ര ദൂരം നടന്ന നടത്തത്തിൽ ഏറ്റവും വിഷമം പിടിച്ച നടത്തം അതായിരുന്നു. കാരണം ഒന്ന് കാലു തെന്നിയാൽ താഴെ പാറയുടെ ഇടയിൽ  വന്നു വീഴും.

ഏകദേശം ഒന്പത് മണി ആയപ്പോൾ ഞങ്ങൾ അവസാന ട്രെക്കിഗ് പാറയുടെ അടുത്ത് എത്തി. അവിടെ നിന്ന് ഇനി ഉള്ള കയറ്റം നടക്കാൻ പറ്റില്ല. അതിന്റെ ചെരുവ് ഏകദേശം 80 ഡിഗ്രി വരും.. കയറിൽ പിടിച്ചു മാത്രമേ കയറാൻ പറ്റു . അങ്ങന ഉള്ള 4 കയറ്റങ്ങൾ.

ഒന്ന് പിടി വിട്ടാൽ കൊക്കയിൽ തന്നെ വീഴും. അങ്ങന ഉള്ള സാഹസമായ യാത്രയുടെ ഒടുവില ഞങ്ങൾ ലക്ഷ്യ സ്ഥാനത് എത്തി..


അവിടെ എത്തിയപ്പോൾ ആണ് അറിയുന്നത് , ഞങ്ങൾ മേഘങ്ങള്ക് മുകളില എത്തി എന്ന്. അവിടെ നിന്ന് നോക്കിയാൽ കാണാവുന്ന ഒരു കാഴ്ച പറഞ്ഞു അറിയിക്കാൻ വയ്യ....

നോട്ട് : അഗസ്ത്യ മലയുടെ മുകളിൽ  നിന്ന് ഒരു കുഞ്ഞു വ്യൂ : വട്ടത്തിൽ കാണുന്നത് ആണ് ഇന്നലെ തങ്ങിയ ബേസ് ക്യാമ്പ്‌ ... അതിനു പുറകില നടന്നു കയറിയ ചെങ്കുത്തായ മല അതിനു പുറകിൽ  വന്ന പുൽ മേട് .. അതിനു പുറകിൽ  എവിടെയോ ആണ് ഞങ്ങൾ യാത്ര തുടങ്ങിയത്.


ഒരു നീണ്ട സ്വപ്നത്തിന്റെ സാക്ഷാകാരം കഴിഞ്ഞു ,

അഗസ്ത്യ മുനിയുടെ വിഗ്രഹം ഒക്കെ കണ്ടു ഞങ്ങൾ തിരിച്ചു ഇറങ്ങി

നടക്കാൻ തുടങ്ങി. കയറുന്നതിനെ കാൽ വലിയ കഷ്ടം ആയിരുന്നു ഇറക്കം. ഓരോ പാറയിലും കാൽ ഇടിച്ചു കൈ മുറിഞ്ഞു ,ഇടയ്ക്കു ഒക്കെ ആരോ വീണു ഒക്കെ ബസ് ക്യാമ്പ്‌ ലക്‌ഷ്യം വച്ച് ഞങ്ങൾ  നടന്നു.

രാവിലെ ഞങ്ങൾ നടന്ന തണുത്ത ആ കാലാവസ്ഥ മൊത്തം മാറി, പാറയിൽ ചൂട് കൂടാൻ തുടങ്ങി. കാടിലെ കാലാവസ്ഥ ഒട്ടും പറയാൻ പറ്റാത്ത ആണ്.

നടന്നു നടന്നു ഞങ്ങൾ 1 മണിക്ക് ക്യാമ്പിൽ തിരിച്ചു എത്തി. ഞങ്ങളെ കാത്തു അവിടെ നല്ല ഒരു ഉഗ്രാൻ ഊണ് കാത്തു  ഇരിപുണ്ടായിരുന്നു.

രണ്ടു മണിക് ശേഷം ക്യാമ്പിൽ നിന്ന് പുറത്തു പോകാൻ ആര്ക്കും അനുവാദം ഇല്ല. പക്ഷെ ഞങ്ങൾ എങ്ങനെ ഒക്കെയോ പറഞ്ഞു അവിടെ നിന്ന് ഇറങ്ങി.

അപ്പൊ സമയം 2.45
"തിരിച്ചു പോക്ക്: രാവിലെ തന്നെ 20 കിലോമീറ്റർ ദൂരം ഞങ്ങൾ പൊയ് വന്നു. ഇനി ഉള്ളത് തിരിച്ചു ഉള്ള ഇരുപതോളം കിലോമീറ്റർ ആണ്.. കാലുകൾ  ആണേൽ നല്ല വേദനയും. രണ്ടും കല്പിച്ചു ഞങ്ങൾ തിരിച്ചു നടക്കാൻ തീരുമാനിച്ചു."

തിരിച്ചു ഉള്ള നടത്തം ഞങ്ങൾ ഇത്തിരി വേഗത്തിൽ ആക്കി, 8 മണികൂര് കൊണ്ട് നടന്ന ദൂരം ഞങ്ങൾ 4 മണികൂര് കൊണ്ട് നടക്കാൻ തീരുമാനിച്ചു. പക്ഷെ അത് ഒരു തെറ്റായ തീരുമാന ആയിരുന്നു.

പുൽ  മേട്  ഒക്കെ പക്ഷെ ഞങ്ങൾ ആര് മണിക് മുന്പ് കടന്നു , നാലാമത്തെ ക്യാമ്പിൽ എത്തി, അവരോടു മുന്നോട്ടു പോകാൻ ഉള്ള കാര്യം തിരക്കി. അവർ ഒരിക്കലും പോകണ്ട എന്ന് പറഞ്ഞില്ല പക്ഷെ വളരെ അപകടം ആണ് ഓരോ കാൽ വൈപ്പും എന്ന് പറഞ്ഞു. സ്വന്തം റിസ്കിൽ മുന്നോട്ട് പോകാൻ ഞങ്ങൾ റെഡി ആയി ..

സന്ധ്യ കഴിഞ്ഞു ഞങ്ങൾ ഏകദേശം ഒരു മണികൂര് കൂടി സൂര്യ പ്രകാശം ഞങ്ങളെ തുണച്ചു.

പക്ഷെ അതിനു ശേഷം കാര്യങ്ങൾ ആകെ മാറി.  കാട്ടിലെ ശബ്ദങ്ങളും പിന്നെ കൂരിരുട്ടും  മാത്രം , ഒരാള് മറ്റൊരാള ആയി ഇത്തിരി ദൂരം മാറി പോയാല പിന്നെ കണ്ടു പിടിക്കാൻ പാട് പെടും. തികച്ചും വ്യത്യസം  ആയ ഒരു അനുഭവം.

അങ്ങനെ ഒരുമിച്ചു ഒരുമിച്ചു പേര് വിളിച്ചും നടക്കാന വഴിയിൽ  ശബ്ദം ഉണ്ടാക്കിയും ഏകദേശം ഒരു എട്ടു മണി അടുപിച്ചു ഞങ്ങൾ കാട്ടിനു പുറത്തു ഇറങ്ങി....


ക്ഷീണം കാലുകൾക്  വന്ന തളര്ച്ച എല്ലാരേയും അവിടെ കൊറേ നേരം പിടിച്ചു ഇരുത്തി. തിരിച്ചു ഞങ്ങൾ വീടുകളിലേക്ക് യാത്ര ആയി

നോട്ട് : ഞങ്ങൾ കാണിച്ച ഈ ഐഡിയ ആരും കാണിക്കരുത് ഒരു ദിവസം കൂടി ക്യാമ്പിൽ കിടന്നു വേണം തിരിച്ചു ഇറങ്ങാൻ കാരണം നിങ്ങള്ക് നഷ്ടപെടുന്നത് ഒരു ദിവസം ആകാം പക്ഷെ കാട് ആണ്, എന്തും സംഭവിക്കാം .... ഞങ്ങളുടെ ഭാഗ്യം ഞങ്ങൾ എല്ലാം സേഫ് ആയി തിരിച്ചു എത്തി

ഇനി മറ്റൊരു യാത്ര കുറിപ്പ് ആയി വീണ്ടും കാണാം
                         
                                                                                                                 എന്ന് സ്വന്തം,
                                                                                                                   സുഹുർത്ത്

ഒരു ബെറ്റു വച്ചു ഉണ്ടായ കഥ

പ്രേമം എന്നാ സിനിമ കണ്ടതിന്റെ  ഒരു ഹാങ്ങ്‌ ഓവർ  ആയിരുന്നു കൊറേ കാലം.
അപ്പൊ വായിക്കുന്ന നിങ്ങള് ചോദിക്കും ഇവാൻ എന്താ നിവിണ്‍ പൊളി പോലെ ഒക്കെ ആയിരുന്നോ പഠിക്കുന്ന കാലത്ത് എന്ന്..

ഒരിക്കലും അല്ല വളരെ നല്ല ഒരു പാവം മനുഷ്യൻ ആണ്. സിനിമയിൽ കാണിക്കാന പോലെ ഒന്നും തന്ന അല്ല...

പക്ഷെ ഓർക്കുമ്പോൾ പണ്ട് ഒരു ബെറ്റ് വച്ചു  കാണിച്ചു കൂട്ടിയ കാര്യം ഓര്മ വരും..

ഏകദേശം പ്രേമം സിനിമ പോലെ തന്നെ പറയാം.

കാലം : 2004

എന്റെ ഓര്മ ശരി ആണെങ്കിൽ പത്താം ക്ലാസ്സ്‌ കഴിഞ്ഞാൽ  നല്ല ഒരു ജോലി കിട്ടണം എങ്കിൽ സയൻസ് ഗ്രൂപ്പ്‌ തന്നെ എടുക്കണം. അതിന്റെ കൂടെ എന്ട്രൻസ് കിട്ടണം എന്നാ മിദ്യ ദാരണ  ഏകദേശം അതിന്റെ കൊടുമുടി കയറിയ കാലം..

പഠിക്കാൻ ബഹു മിടുക്കൻ  ആയതു കൊണ്ട് നാട്ടിലെ അറിയപെടുന്ന സ്കൂളിൽ ഒന്നും തന്നെ എനിക്ക് അഡ്മിഷൻ കിട്ടിയില്ല. നഗര പ്രദേശത്തിൽ നിന്ന് അല്പം മാറി നല്ല ശാന്ത സുന്ദരം ആയ ഒരു സ്ഥലത്ത് അഡ്മിഷൻ കിട്ടി.

കമ്പ്യൂട്ടർ പഠിച്ചാൽ എളുപ്പം ജോലി എന്നാ ഒരു വാക്ക് കൂടി നാട്ടിൽ പ്രചരിക്കുന്ന കാലം ആയോണ്ട് ഞാൻ കമ്പ്യൂട്ടർ സയൻസ് തന്നെ എടുത്തു.

എന്റെ അതെ വിചാര വികാരങ്ങൾ ഉള്ള നാല്പത്തി നാല് ആണ്‍ കുട്ടികളും നാല് പെണ്‍കുട്ടികളും  അവിടെ ഉണ്ടായിരുന്നു.

ക്ലാസ്സ്‌ ഒക്കെ തുടങ്ങി ഒരു മാസം കഴിഞ്ഞപ്പോൾ ആണ് എല്ലാര്ക്കും ഒരു കാര്യം മനസിലായേ വന്ന ഇടവും ചേർന്ന  കോഴ്സ് ഉം  തെറ്റ് ആണ് എന്ന്. ഒറ്റയ്ക്ക് പഠിച്ചാൽ ജയിക്കില്ല എന്ന് ഉറപ്പു ഉള്ളത് കൊണ്ട് ഞങ്ങൾ കുറച്ചു പേര് അവിടെ അറിയപെടുന്ന ഒരു tution  ക്ലാസ്സിൽ ചേര്ന്നു .

ലാലേട്ടൻ ആറാം തമ്പുരാനിൽ പറഞ്ഞ പോലെ ആയി പൊയ് അത് ഒരു സിങ്ങം ത്തിന്റെ മട  തന്നെ ആയിരുന്നു.

ചെന്ന് കയറിയ  അന്ന് തന്നെ അവിടുത്തെ ഒരു സെറ്റപ്പ് ഒക്കെ മനസ്സിൽ ആയി. ഏതാണ്ട് നാസി കാലത്തേ concentration ക്യാമ്പ്‌ ഓര്മ പെടുത്തും പോലെ ഒരു സ്ഥലം.

അന്ന് ഒരു ഹിറ്റ്ലെർ  എങ്കിൽ ഇവിടെ കാണുന്ന എല്ലാരും അത് പോലെ....



തുടക്കം തന്നെ ഞങ്ങളെ അവിടുത്തെ ലാസ്റ്റ് ബെഞ്ച്‌ പിള്ളേര് ആക്കി. വേറെ കാരണം ഒന്നും ഇല്ല , അവിടെ ഒരു നിയമം ഇണ്ടായിരുന്നു  വൈകി വരുന്നവർ  അവസാനം   . ഞങ്ങൾ എല്ലാം ഒന്നിച്ചേ പോകു  എന്ന് ഞങ്ങള്ക് ഇടയില ഒരു നിയമം ഉണ്ട്. അതാണ് അതിനു കാരണം.

ഓരോ ക്ലാസും അവിടെ ഞങ്ങള്ക് ഓരോ യുഗങ്ങൾ ആയിരുന്നു. വന്നു കയരണ സാറ് ഒന്ന് തിരിഞ്ഞു പോലും നോക്കാതെ integration , organic  chemistry  , newton law  ഒക്കെ എഴുതി തകർക്കും .

സത്യം പറയാല്ലോ ഏകദേശം ഒരു മാസം വേണ്ടി വന്നു integration ന്റെ ആദ്യം എഴുതണ ഒരു വൃത്തികെട്ട വര വരൈക്കാൻ ...

ഇപ്പോഴും എനിക്ക് അറിയില്ല എന്തിനാ ഞാൻ integration  ഒക്കെ പഠിച്ചത് എന്ന്.

ജീവിതം ഓരോ ദിവസവും ദുസഹം ആയി തുടങ്ങി. സ്കൂളിൽ പോലും ഇത്രയും ടെൻഷൻ ഇല്ല. അവിടെ ആരേലും വന്നു എന്തേലും പറഞ്ഞു പോകും.

പക്ഷെ ഇവിടെ അതല്ല സ്ഥിധി  , ഓരോ പരീക്ഷക്കും ഞങ്ങൾ ഒരാള് പോലും ജയിക്കാണ്ട്  ആയി.

ഇതിലും വിഷമം ഉള്ള കാര്യം കൂടെ ഉള്ള ബുദ്ധിജീവികളെ കൊണ്ട് ആണ്. സാറ് അവിടുന്ന് ഒരു ചോദ്യം പറയുമ്പോൾ. ഞങ്ങൾ പരസ്പരം അത് കമ്പ്യൂട്ടർ അനൂ phsyics  ആണോ maths  ആണോ എന്ന് ചോദിക്കും.

പക്ഷെ ബുദ്ധിജീവികൾ അതിനുള്ള ഉത്തരവും കൂടെ അത് എങ്ങനാ ചെയ്തു എന്ന് കൂടി പറയും.

അത് കേൾകുമ്പോൾ , സാറിന്മാരുടെ  ഇടയിൽ  ഞങ്ങൾ ടി. ജി രവി മാറ് ആവും.

സഹനത്തിന്റെ ആര് മാസം പിന്നിട്ടപ്പോൾ ഞങ്ങള്ക് ഒരു കാര്യം മനസിലായി. ഇവിടുത്തെ tution  കൊണ്ട് ഞങ്ങള്ക് ഒനും തന്നെ കിട്ടാൻ ഇല്ല എന്ന്. കോപ്പി അടി ഒരു കല ആയതു കൊണ്ട് മാത്രം ഓണ പരീക്ഷ ജയിച്ചു ഞങ്ങൾ തോല്കാതെ രക്ഷപെട്ടു.


ഇനിയും തുടർന്  പഠിക്കണം എന്നാ ആഗ്രഹം കൊണ്ട് മാത്രം. ഞങ്ങൾ 8 പേരു  അവിടെ നിന്ന് രാത്രിക്ക് രാത്രി തന്നെ രക്ഷപെട്ടു .

വീടുകരോട് ഒരു വിധം അനുവാദം വാങ്ങി. വീണ്ടും ഞങ്ങൾ ഓരോ വിഷയത്തിനും ഓരോ സ്ഥലത്ത് tution  തുടങ്ങി.

ഇനി ആണ് സിനിമ യിലെ സംഭവങ്ങൾ നടക്കണത്‌.

കണക്കിന്റെ tution  ക്ലാസ്സ്‌. അതാണ് location .............

അവിടുത്തെ സാര്  ഒരു പാവം ആണ്. ഞങ്ങള്ക് കണക്കു അറിയില്ല എന്ന് മൂന്ന് ന്റെ അന്ന് തന്നെ മനസിലായി.

ഞങ്ങൾ എട്ടു പേര് അല്ലാണ്ട് ഞങ്ങളടെ ക്ലാസ്സിലെ ഒരു വിധം പാതിയിൽ  കൂടുതൽ അല്കാര് അവിടെ ഇണ്ടായിരുന്നു .

അതിന്റെ കൂടെ ഞങ്ങളടെ പഴയ tution  ക്ലാസ്സിലെ ബുദ്ധി ജീവികൾ പഠിക്കണ  സ്കൂളിൽ ലെ കുറച്ചു പെണ് കുട്ടികൾ ...

അങ്ങനെ ഇവിടെ ഞങ്ങൾ പഠനം ശക്തം ആക്കാൻ തന്നെ തീരുമാനിച്ചു. കാരണം വേറെ ഒന്നും അല്ല.. ഇനി ഒരു tution  ക്ലാസ്സ്‌ മാറാൻ എന്ന് വീട്ടിൽ പറഞ്ഞാൽ പഠിത്തം തന്നെ നിരത്താൻ ആണ് ഉത്തരവ് ...


എല്ലാ ടീച്ചർ മാരും  പറയാനാ പോലെ ഞങ്ങളടെ സാറും പറഞ്ഞു. എന്റെ എത്രയും കൊല്ലത്തെ എക്സ്പീരിയൻസ് ഇൽ  ഇത് പോലെ ഒരു ബാച്ച് നെ ഞാൻ പടിപിച്ചില്ല .
അതിന്റെ കൂടെ വേറെ ഒരെണം കൂടി പറഞ്ഞു.

"ഞാൻ എല്ലാരേയും ഉദെഷിചല്ല  ഈ പറഞ്ഞത് പുറകിൽ  ഇരിക്കണ  ആ എട്ടു പത്തു തല തെറിച്ച ലവന്മാരെ ആണ് എന്ന്."

അങ്ങന അവിടെയും ഞങ്ങള് തന്നെ ആയി താരങ്ങൾ.
 കാലം അങ്ങന ഓടി പൊയ്.... ഇപ്പൊ ഞങ്ങൾ അടുത്ത കൊല്ലം കടന്നു.

കാലം : 2005

ഞാൻ നേരതെ പറഞ്ഞ പെണ്കുട്ടികലളുടെ  കൂട്ടത്തിൽ  ഒരുത്തിയെ വീഴ്ത്തിയാലോ എന്ന് ആലോചന തുടങ്ങി..

അത് ഞാൻ ഞങ്ങളടെ പിള്ളേരോട് പറഞ്ഞു. അപ്പൊ അതിൽ ഒരുത്തന പറഞ്ഞു നിനക്ക് അതിനു ഉള്ള ദൈര്യം ഉണ്ടോ എന്ന്..

അത്മനഭിമാനത്തിൽ തൊട്ടു കളിച്ചാൽ പിന്നെ വിടാൻ പറ്റുമോ. ഞാൻ കയറി അങ്ങ് ഏറ്റു  പിടിച്ചു.

അവസാനം അത് ഒരു ഇടിയിൽ കലാശിക്കും എന്ന് ആയപോൾ കൂട്ടത്തിൽ  ഒരുത്തന പറഞ്ഞു.

നമുക്ക് ബെറ്റ് വൈക്കം , ഇവൻ  അവളോട്‌ ഐ ലവ് യു എന്ന് പറഞ്ഞ നീ അവനു അമ്പതു രൂപ കൊടുക്കണം .. ഇല്ലെങ്ങിൽ അവൻ നിനക്ക് നൂറു രൂപ ത്തരും.

സമ്മതം ആണേൽ ഇന്ന് നമ്മൾ സ്ഥലവും സമയും ഫിക്സ് ചെയ്യും. അങ്ങന അന്നേക്കു അഞ്ചിന്റെ  അന്ന് അവളോട്‌ പറയും എന്ന് ഞാൻ പറഞ്ഞു സിനിമ സ്റ്റൈലിൽ സൈക്കിൾ എടുത്തു ഇറങ്ങി.


ഡേ 1 : കൂട്ടത്തിൽ  പ്രേമിച്ചു പരിചയം ഉള്ള ഒരുത്തനോട്‌ ഞാൻ ഈ കാര്യം പറഞ്ഞു. അവൻ ഹെല്പ് ചെയാം എന്ന് പറഞ്ഞു. അങ്ങന അവന്റെ ഹെല്പ് കൊണ്ട് ഒരു കാര്യം പിടി കിട്ടി അവള് ഫ്രീ ആണ് എന്ന്.

ഡേ 2 : ബെറ്റ് ഇൽ  കിട്ടാൻ പോകുന്നത് വെറും അന്പത് രൂപ ആണെങ്കിലും. പെണ്ണ് ഫ്രീ ആണ് എന്ന് അറിഞ്ഞപ്പോ തൊട്ടു പലരും ഹെല്പ് ചെയാം എന്നാ വാഗ്ദാനം ആയി വന്നു തുടങ്ങി.

"അതിന്റെ അർഥം ഇവന് കിട്ടിയില്ലേൽ എനിക്ക് നോക്കാല്ലോ എന്ന്."

അങ്ങനെ രണ്ടാം ദിവസം ക്ലാസ്സ്‌ തുടങ്ങി. അന്ന് വരെ ഏറ്റവും പുറകില ഇരുന്ന ഞാൻ അന്ന് പൊയ് മുന്നിൽ  ഇരുന്നു. ഇടയ്ക്കു ഇടയ്ക്കു തിരിഞ്ഞു അവളെ ഒക്കെ ഒന്ന് നോക്കി.

പക്ഷെ അവിടെ നിന്ന്അവള് തിരിഞ്ഞു പോലുംനോക്കനില്ല എന്ന് മനസിലായി.

അങ്ങന respone  കിട്ടാണ്ട്‌ രണ്ടാം ദിവസം തീര്ന്നു.

ഡേ 3 : ഇനി  വെറും രണ്ടു ദിവസം മാത്രമേ ഉള്ളു. അതിനു ഉള്ളില നീ പറയണം എന്ന് ബെറ്റ് വച്ച കക്ഷി വന്നു ഒരു ഭീഷണി മുഴക്കി പൊയ്. അഭിമാനത്തിന്റെ പ്രശനം ആയോണ്ട് രണ്ടും കലിപ്പിചു  ഞാൻ പറയാൻ തീരുമാനിച്ചു.


ഡേ 4 : എല്ലാരുടെയും പ്രതീക്ഷ തെറ്റിചു  ഞാൻ അന്ന് tution  ക്ലാസ്സിൽ പോയില്ല.... ഇന്ന് ഉള്ള പോലെ മൊബൈൽ ആരുടെ കയ്യിലും ഇല്ലാത്തോണ്ട് ഒരുത്തനും വാട്സപ്പിലോ  fb യിലോ ഒന്നും അയച്ചില്ല...

അങ്ങനെ ക്ലൈമാക്സ്‌ ദിവസം എത്തി ചേര്ന്നു ....

എന്നും പോലെ ഞാൻ അന്ന് സൈക്കിൾ ഇൽ  tuttion  ക്ലാസ്സ്‌ എത്തി. വളരെ പാവത്തിനെ പോലെ 1 മണികൂർ ഞാൻ പഠിച്ചു. അത് കഴിഞ്ഞതും എല്ലാ ഇവന്മാരും കൂടി എന്റെ അടുത്ത് കൂടി..

ഫ്രണ്ട് 1 : അളിയാ നീ പറയുമോ അവളോട്‌.

ഞാൻ : പറയും , നീ പൊയ് മറ്റവനെ വിളി , അവന്റെ മുന്നില് വച്ച് വേണം എനിക്ക് പറയാൻ.

ഫ്രണ്ട് 2 : ഞാൻ എവിടെ തന്നെ ഇണ്ട് . അല്ല പോട്ടെ നീ എങ്ങനാ  അവളുടെ അടുത്ത് പോകുന്നെ tutuion  കഴിഞ്ഞു അവളും കൂട്ടുകാരിയും പോയല്ലോ.

ഞാൻ : ഞാൻ സൈക്ലിൽ പോകും. അതിനു എന്താ കുറച്ചില്

ഫ്രണ്ട് 3: അത് വേണ്ടടാ , നീ എന്തോകെ ആയാലും ഒരു പെണ്ണിനോട് ഐ ലവ് യു പറയാൻ പോകുവല്ലേ , അപ്പൊ അതിന്റെ ഒരു ഗമ ഒക്കെ വേണം .

ഞാൻ : എടാ അതിനു എനിക്ക് അവളോട്‌ പ്രേമം ഒന്നും ഇല്ല.. പക്ഷെ ലോട്ടറി അടിച്ച ഞാൻ വേണ്ട എന്ന് വൈക്കില്ല.

ഫ്രണ്ട് 4 : അപ്പൊ ഒരു കാര്യം ചെയ്യാം നീ എന്റെ ബൈക്ക് ഇൽ  കയറ് . നമുക്ക് പൊയ് പറഞ്ഞിട്ട് വരാം .

ഞാൻ : അത് പറ്റില  , ബെറ്റ് വച്ചവൻ എവിടെ എനിക്ക് അവന്റെ കൂടെ പോയാല മതി.

ഫ്രണ്ട് 4 : അത് ഞാൻ അവനോടു പറയാം . നീ പറഞ്ഞോ ഇല്ലയോ എന്ന്. നീ വണ്ടിയിൽ കയറു അളിയാ.

അങ്ങനെ ഞങ്ങൾ വണ്ടിയിൽ കയറി.. അവളുടെപുറകിൽ പതുക്കെ പൊയ്.. ഏകദേശം ഒരു 100 മീറ്റർ ദൂരെ ആയപോൾ കൂടുകാരൻ എന്നോട് ചോദിച്ചു. അളിയാ അവള് നിന്നെ തല്ലാൻ എങ്ങാനും ചെരുപ്പ് ഊരിയാൽ ഞാൻ മുങ്ങും. ഉറപ്പാ......

ആ സമയം വരെ ദൈര്യം ഇണ്ടായിരുന്ന എനിക്ക് അപ്പൊ തന്നെ അതൊക്കെ ചോർന്നു  പൊയ്...

കാരണം ഞങ്ങൾ സംസരിചോണ്ട്ഇരുന്നു സമയം പൊയ്.. ഇപ്പൊ ഏകദേശം രാവിലെ 8.45 നാട്ടിൽ ഉള്ള എല്ലാരും ആ വഴിക്ക് കാണും. എങ്ങാനും അവള് ചെരുപ്പ് ഊരിയാൽ ഞാൻ കാലി ...


ഇത് ഓര്തോണ്ട് ഇരുന്നപ്പോൾ തന്നെ ഞങ്ങൾ അവളുടെ മുന്നില് എത്തി. ഇനി പിന് തിരിയാൻ പറ്റില്ല...

ഞാൻ ബൈക്ക് ഇൽ  നിന്ന് ഇറങ്ങി. അവനോടു വണ്ടി തിരിച്ചു നിരത്തി സ്റ്റാർട്ട്‌ ചെയ്യാൻ പറഞ്ഞു.

ഫ്രണ്ട്: അളിയാ ഞാൻ ഇണ്ട്  സമയം ആവുമ്പോൾ എല്ലാം ഞാൻ ചെയ്യാം ..നീ ദൈര്യം ആയി പൊയ് വാ.

"ആ അനാവശ ദൈര്യം എന്റെ കാലൻ  ആണ് എന്ന് ഞാൻ അപ്പൊ അറിഞ്ഞില്ല."

ഞാൻ പുറകില നിന്ന് അവളെ വിളിച്ചു....

"പേര് ഞാൻ  പറയില്ല പെണ്ണിന്റെ പകരം സിനിമയിൽ ഒക്കെ കാണാൻ പോലെ  പേര് വരണ സ്ഥലത്ത് ***** എന്ന് ഇടാം ...."

ഞാൻ : *****, ഒന്ന് നിന്നെ ഒരു കാര്യം പറയാൻ ഉണ്ട് .

**** : എന്താ ***, എന്ത് പറ്റി .

ഞാൻ : എന്റെ പേര് അറിയോ. ???

*** :  എനിക്ക് അറിയാല്ലോ , സാറ്  എന്നും പറയാറുള്ളത് അല്ലെ...

"അന്നേരം സാര്  ആ വഴിക്ക് വന്നിരുന്നേൽ ഞാൻ ആട് തോമ ആയനേ എന്ന് മനസ്സിൽ കുറിച്ച് ഇട്ടു."

ഞാൻ  : ഓ അങ്ങനെ... ശരി ഇനി കാര്യത്തിലേക്ക് വരാം .. **** എനിക്ക് നിന്നെ ഇഷ്ടം ആണ്. *** ഐ ലവ് യു....

*** : എന്താ *** പറഞ്ഞേ ???

ഞാൻ : മച്ചാനെ കേട്ടല്ലോ , വണ്ടി എടുക്കടാ......

ഇതും പറഞ്ഞു ഞാൻ അവളെ പോലും നോക്കാതെ ബൈക്ക് ന്റെ അടുത്തേക്ക് ഓടി. ഈ സമയം എന്റെ കൂട്ടുകാരാൻ ബൈക്ക് സ്റ്റാർട്ട്‌ ചെയാൻ വേണ്ടി കഷ്ടപെടുക ആണ്.

ഫ്രണ്ട് : അളിയാ പണി കിട്ടി , എന്റെ ബൈക്ക് സ്റ്റാർട്ട്‌ അവനില്ല ...

അപ്പൊ പെട്ടന് ഞാൻ തിരിഞ്ഞു നോക്കി. അവള് എന്നെ ദഹിപിചു  കളയണ  പോലെ ഒരു നോട്ടം നോക്കുന്നു, കൂട്ടുകാരി അവളെ സമാതാനിപിക്കുന്നു ...

അവള് അത് നോക്കാതെ എന്നെ തന്നെ നോക്കി പെട്ടന് താഴോട്ട് നോക്കി..

ചെരുപ്പ് ഊരും എന്ന് എന്റെ മനസ്സില് ഇരുന്നു ആരോ പറയാനാ പോലെ തോന്നി.

പണ്ട് സ്രീനിവസാൻ പറഞ്ഞ പോലെ ആയിരുന്നു സ്ഥിതി....
അവിടെ അവള് ചെരുപ്പിൽ നോക്കുന്നു. ഇവിടെ കൂട്ടുകാരൻ ബൈക്ക് സ്റ്റാർട്ട്‌ ചെയുന്നു.
എന്റെ മനസ്സിൽ രണ്ടും മാറി മാറി വന്നു...

ഏതോ കാരണവന്മാരുടെ നല്ല കാലത്ത് ചെയ്ത ഗുണം കൊണ്ട് അടുത്ത കിക്കിൽ തന്നെ ബൈക്ക് സ്റ്റാർട്ട്‌ ആയി.. ഞാൻ കയറിയതും ആ ഏരിയ വിട്ടതും ഒരേ സമയത്ത് ആയിരുന്നു.

അങ്ങന വടക്കാൻ വീര ഗാധയിലെ  മമ്മൂട്ടി യെ പോലെ ഞാൻ കൂട്ടുകാരുടെ മുന്നിൽ  വന്നു നിന്ന്. ബെറ്റ് വച്ചവൻ  എന്റെ മുന്നില് തല കുനിച്ചു അന്പത് രൂപ തന്നു...

പക്ഷെ എന്റെ സങ്ങടംഅത് അല്ലായിരുന്നു .. പെണ്ണ് ആണേൽ ഒന്നും പറഞ്ഞില്ല, ചെരുപ്പും ഊരിയില്ല. കരഞ്ഞതും ഇല്ല. ഇനി അവള്ക്ക് എന്നോട് ഇഷ്ടം ആയോണ്ട് ആണോ  ????


ഓരോ ആലോചനകൾ ആയി, അന്ന് ഞാൻ ക്ലാസ്സിൽ പോയില്ല , ക്ലാസ്സ്‌ കട്ട്‌ ചെയ്തു പൊയ് ഒരു പടം കണ്ടു വീട്ടിൽ എത്തി.

ഇനി ഒരു ആഴ്ച കാലം tution  ക്ലാസ്സ്‌ ലീവ് ആണ് എന്ന് കള്ളം പറയാം എന്നൊക്കെ കരുതി. വീട്ടിൽ എത്തി.

ഏകദേശം വൈകുന്നേരം ആറു  മണി ആയപ്പോൾ എന്റെ വീട്ടിലെ  ലാൻഡ്‌ ഫോണ്‍ ശബ്ദിച്ചു....

ഞാൻ എടുത്തപ്പോൾ അപ്പുറത്ത് ഔര് കിളി ശബ്ദം...

ഞാൻ : ഹലോ ആരാ ???

ശബ്ദം : ഹലോ ഇത് ***(എന്റെ ചേട്ടൻ ന്റെ പേര്) വീടല്ലേ ??

ഞാൻ : അതെ, ഒരു മിനിറ്റ് ഇപ്പൊ വിളിക്കാം.. ..

എന്ന് പറഞ്ഞു receiver  വച്ച് ഞാൻ പൊയ് ചേട്ടനെ വിളിച്ചു.

അവൻ വന്നു ഫോണ്‍ എടുത്തു സംസരിക്കുനതിന്റെ ഇടയിൽ എന്നെ നോക്കി കലിപിക്കുന്നു . ഞാൻ കരുതി അവനു ഒരു പെണ്ണിന്റെ ഫോണ്‍ വന്നതിൽ എനിക്ക് അസൂയ ആണ് എന്നാണ്.


പക്ഷെ ഏകദേശം ഒരു  രാത്രി അത്താഴ  സമയത്ത് ആണ് ഞാൻ പടത്തിന്റെ  ക്ലൈമാക്സ്‌ അറിയുന്നത്...

ചേട്ടന്മാര് നമ്മളെ സ്ഥിരം ചൊറിയും  എങ്കിലും അന്ന് അവൻ എന്നോട് വളരെ ശാന്തൻ  ആയി ചോദിച്ചു.


ചേട്ടൻ : എടാ നീ ഇന്ന് എന്താ ഇങ്ങനെ ഇരിക്കണേ
ഞാൻ : അത് ഒന്നും ഇല്ലാ , ക്ലാസ്സ്‌ ഒക്കെ ബോർ ആയിരുന്നു. നമ്മടെ സാറ് ഇനി ഒരു ആഴ്ചാ കാണില്ല. പഠിക്കാൻ പറ്റില്ല എന്ന് വിഷമം.

ചേട്ടൻ : ഓഹോ ക്ലാസ്സ്‌ ബോർ ആയോണ്ട് ആലെ , അല്ലാണ്ട് നീ എന്റെ കൂട്ടുകാരന്റെ പെങ്ങളോട് ഐ ലവ് യു എന്ന് പറഞ്ഞോണ്ട് അല്ല അല്ലേ....


ആ സമയം ആണ്, എനിക്ക് ആ മഹാ സത്യം ഓര്മ വന്നത്.. tution  ക്ലാസ്സിൽ അവന്റെ ഒരു കൂട്ടുകാരന്റെ പെങ്ങള പടികാനുണ്ട് എന്ന് പണ്ട് ചേട്ടൻ പറഞ്ഞ സത്യം.

ജീവിതത്തിൽ ഒരു പെണ്ണ് കേസ് നു കയ്യോടെ പിടി കിട്ടിയല്ലോ എന്ന് കരുതി ഞാൻ ചേട്ടന്റെ കാലിൽ  വീണു.

ഞാൻ : ഇനി ഒരു tution  കൂടി മാറിയാൽ ഞാൻ തോറ്റു  പോകും. നീ ഈ കാര്യം ക്ഷമിക്കു. ഞാൻ അങ്ങന അല്ല ഉദേശിച്ചേ ..

പക്ഷെ പെട്ടന് പടത്തിൽ  ഒരു ട്വിസ്റ്റ്‌ വന്നു.

ചേട്ടൻ : എടാ നീ എന്റെ കൂട്ടുകാരന്റെ പെങ്ങളോട് (പെണ്ണിന്റെ പേര് ***) ആണോ പറഞ്ഞെ...

ഞാൻ : ഓഹോ സോറി ചേട്ടാ നിനക്ക് ആള് തെറ്റി , ഞാൻ അവളോട്‌ അല്ല അവളുടെ കൂട്ടുകാരിയോട് ആണ് പറഞ്ഞെ...

അങ്ങനെ ഒന്ന് രണ്ടു പറഞ്ഞു ഞാൻ ആ രംഗം സോൾവ്‌ ആക്കി...

പക്ഷെ എന്റെ ഉള്ളിൽ  അപ്പൊ ആ പെങ്ങൾ  എന്നാ പെണ്ണിനോട് പ്രതികാരം ചെയ്യണം എന്ന് മനസ്സിൽ നിരന്നു വന്നു..

അല്ലേലും പണ്ടേ നമ്മടെ നാട്ടിൽ കൊറേ കൂട്ടുകാരികൾ കാണും , ഒടുക്കത്തെ descent  ആണ്. നമ്മടെ കലത്തിൽ  പാറ്റ ഇടാൻ ആയിട്ട്. അങ്ങനെ ഒരു പാറ്റ  ആണ് എന്റെ വീട്ടിൽ വിളിച്ചു പറഞ്ഞെ.

വെറും അമ്പതു രൂപയ്ക്കു വേണ്ടി ഞാൻ വച്ച ബെറ്റ് എന്നെ എന്റെ സ്വന്തം വീട്ടിൽ ഒരു വില്ലൻ  ആക്കി എന്ന്.....

ഈ ഒരു സംഭവത്തിനു ശേഷം, ഞാൻ ഒരു 2 ആഴ്ച tution നു പോയില്ല. വെറുതെ ഇനിയും പ്രശനം ഉണ്ടാക്കണ്ട എന്ന് കരുതി മുങ്ങി

അത് കഴിഞ്ഞു ഒരു ദിവസം പോയപ്പോൾ അറിയുന്നെ ഞാൻ ഐ ലവ് യു പറഞ്ഞ പെണ്ണ് tution  മാറി പൊയ് എന്ന്.
"പക്ഷെ ഞാൻ അല്ല അതിനു കാരണം. അവളുടെ ഏതോ ഒരു ബന്ധു വീട്ടിൽ tution  എടുക്കാൻ വരും എന്ന് പറഞ്ഞു, അങ്ങനെ പോയതാ "

എങ്ങനെയോ ആ പെണ്ണും പോയി. വീട്ടിൽ വില്ലനും ആയി.. വെറുതെ നടന്ന എന്നെ ഒരു വില്ലൻ  ആക്കിയ ചേട്ടന്റെ കൂട്ടുകാരന്റെ അനിയത്തിയെ ഒന്ന് പൊരിക്കാൻ ഞാൻ പിള്ളേര് തീരുമാനിച്ചു.

ഞങ്ങൾ പിള്ളേര് അതിനും എല്ലാം ഒന്നിച്ചു വന്നു.

വീണ്ടും ഒരു പകൽ .. സമയം അതെ 8.45 ഞങ്ങൾ ഒരു 8-10 പേര് അവള് ഒറ്റയ്ക്ക്..

അവന്മാര് എന്നോട് പ്രിതെകം പറഞ്ഞു അളിയൻ  ലാസ്റ്റിൽ വന്ന മതി എന്ന്.

അതോണ്ട് അവര് സംസാരിക്കുന്ന ഇടയില അവസാനം ആണ് ഞാൻ പോയത്.

ചെന്ന പാടെ അവളെ ഞാൻ ആങ്ങ്‌ നല്ലോണം പൊരിച്ചു.

അവസാനം ആയി ഞാൻ ഒരു ഡയലോഗ് കൂടി അടിച്ചു...

"പഠിക്കാൻ വന്നാൽ പഠിച്ചിട്ടു പോകണം, അല്ലാണ്ട് എന്നെ നന്നാക്കാൻ വരരുത്. കേട്ടോടി.  %₹%₹^%09&*(&()"


ഇത് കേട്ടതും എന്റെ കൂട്ടുകാര് എല്ലാം കൂടി എന്നെ പൊക്കി എടുത്തോണ്ട് പോയി..

ഫ്രണ്ട്: അളിയാ നീ എന്ത് പരിപാടി ആണ് കാണിച്ചേ, ഞങ്ങൾ അവളെ ഉപദേശിക്കുക ആയിരുന്നു. നീ നിന്റെ കുഴി തന്നെ വീണ്ടും തോണ്ടിയല്ലോ ...

ഞാൻ : അപ്പൊ നിങ്ങൾ അവളെ തെറി പറയുക അല്ലൈരുന്നോ

ഫ്രണ്ട് 2 : ഇല്ല അളിയാ അവളെ കണ്ടപ്പോൾ ഞങ്ങള്ക് അങ്ങ് മനസ് ഇളകി....

ഞാൻ : പന്ന *₹%#%#%#്്^@^  പൊയ്ക്കോണം എല്ലാം ഇപ്പോം.

ഞാൻ വീണ്ടും എന്റെ സ്ഥിതി ആലോചിച്ചു...

പക്ഷെ എല്ലാം മാറി മറഞ്ഞു

ഈ സംഭാഷണം ഒരിക്കലും ആ പെണ്ണ് ചേട്ടനെ വിളിച്ചു പറഞ്ഞില.


ഇതോടെ ഈ സംഭവം നല്ല രീതിയിൽ അവസാനിച്ചു....

ഇനി പുതിയ പടം കാണുമ്പോൾ പഴയ കാര്യം ഓര്മ വന്നാൽ എഴുതാം.....

                                                                                                  എന്ന് സ്വന്തം
                                                                                                    സുഹുർത്ത്